親子好去處@兒童遊戲室(坑口體育館 + 香港單車館)

21/03/2015 (18M)

對於南瓜妹，我時常都覺得照顧不足，好多時都係俾南瓜仔分了時間，同南瓜妹單獨相處時間真係好少，唔計去醫院、健康院既地方外，可能只得幾次！

是日南瓜妹去健康院，我就決定請一天假陪佢 .......


目的地：坑口體育館 (奇妙水世界)

平日去既好處，就係無乜人，仲要全場都有軟墊，唔怕小朋友會撞親，對於好似南瓜妹咁細既小朋友就最適合！！

 ↑ 玩樂中既南瓜妹！

見到南瓜妹玩得好開心，自己都好開心！！

地點：將軍澳培成路38號  西貢將軍澳政府綜合大樓1樓


目的地：香港單車館 (極限運動)

見仲有時間，帶埋南瓜妹去玩多一個兒童遊戲室！！


↑ 南瓜妹都係好開心！！

地點：將軍澳寶康路105-107號


玩完就返到屋企樓下食午餐，之後就回家食水果，跟住就係午睡！！

↑ 南瓜妹午睡時，我就有時間揀南瓜妹 5 - 12 個月既相整相架 (hd 叫左我好耐)，之後南瓜妹起身後就同佢玩。

去到三點多，我就去接南瓜仔放學 (南瓜仔返全日至今，我未接過佢放學了)，當佢見到南瓜仔時，我見到南瓜仔笑得好開心！！