南瓜妹已經有學校做 backup (一定有書讀)，我又有 in 學校既經驗，而且南瓜妹仲係大b (大b有一定既優勢)，所以相對無咁緊張！！
基本上面試要 in 既內容，南瓜妹應該大部份都做到，最怕係「樹熊上身」，乜都唔肯做、唔答，咁就神先都難救！！
南瓜妹，千祈唔好「樹熊上身」，乖乖地回答老師既問題！！><
13/11/2015 (19M20D)
請天半天假陪南瓜妹去面試 .......
早上送完南瓜仔上校巴，就回家同南瓜妹玩一陣，之後就同埋公公飲茶！
呢個南瓜妹真係好鐘意食包，明明早上已食左包+奶，仲可以成個包食哂 ><
之後就出發去學校了 ......
去到學校門口仲要我抱(唔抱就喊爆)，咁我唯有抱住佢啦， 好彩入到去登記完，南瓜妹見到d椅子，主動話要坐，之後仲全程都自己行 (感動中！)
咁我就好快咁填好份問卷 (hea填) ......
之後南瓜妹就係校內玩左一陣，咁就到我地啦 ....
PART 1 - 英文
幾個小朋友一齊出面等，之後入到課室，就自己揀外籍老師，我是但揀一個 .......
1) 老師就拎左d公仔俾南瓜妹，南瓜妹搖頭，老師又要拎其他出來，南瓜妹都係搖頭....... 好彩當老師拎隻鱷魚出來，南瓜妹點頭！
2) 老師就俾左個(分得開三件)西瓜俾南瓜妹，南瓜妹二話不說就拆開左，老師叫南瓜妹俾佢，南瓜妹又有俾，之後到第三件，老師叫南瓜妹俾我，南瓜妹都做到！！
3) 老師叫南瓜妹 hi five，南瓜妹無彩老師，我就忍唔住再叫南瓜妹做，好彩南瓜妹有跟住做！
4) 老師就問南瓜妹既日常生活 (都係問邊個照顧佢)，又問佢鐘意唔意唱歌，仲不斷讚南瓜妹 (我心諗，有乜好讚！？)
5) 老師送左個玩具俾佢，南瓜妹拎完後，就放番係枱面 ><
6) 幾個小朋友一唱遊，南瓜妹係零反應！
PART 2 - 中文
之後就去見中文老師，南瓜妹變得好有性格 ........
南瓜妹自己坐椅，老師不斷講：「小心d呀！」，但南瓜妹理到唔理老師！
1) 老師就拎左串珠俾南瓜妹玩，玩唔夠2秒：「唔要！」，仲推開埋 (滴汗！)
又俾南瓜妹見到入形狀玩具，南瓜妹指住講：「呢個！」
老師就俾佢地玩，得4個形狀，對於南瓜妹黎講係零難道，好快就入到哂！
老師：「你好叻叻喎！」
南瓜妹又唔多理老師 .......
老師再拎串珠出來，南瓜妹二話不說就推開，仲講：「唔要！」(語氣好不滿！)
老師就無再俾佢玩！ (唉！南瓜妹你仲乜咁有性格呀！？？？)
2) 老師就拎粒士多啤梨(玩具)出黎俾南瓜妹，問：「呢個咩黎！？食唔食得架！？」
南瓜妹放左入口 (勁滴汗)，老師就好快拎番，仲講：「唔食得架！」
再俾番南瓜妹，叫南瓜妹俾媽咪，咁南瓜妹都俾左我！
3) 老師俾個搖鈴南瓜妹，南瓜妹有拎住，但無搖，仲要好快放埋手.........
4) 老師：「我地一齊唱歌，你想唱咩歌！？」
南瓜妹：「ABC」
咁老師就開始唱，但南瓜妹就無唱 (平時屋企又成日唱！)
5) 最後老師問左d南瓜妹既日常生活 (問邊個照顧、可否示意如廁、可否自己食飯)，咁就完哂了！！
雖然 in 得一般 (仲要無禮貌><)，但起碼無「樹熊上身」，希望南瓜妹越 in 越好！！
