南瓜仔係32M已正戒同尿片講 bye bye，但佢一直都要有人協助拎起 JJ >< (老師話南瓜仔 (33M) 已自己去，點解屋企唔肯呢！？？？)
南瓜仔去 poo poo 就會主動同我地講，而 vee vee 呢！？ 基本上都係等南瓜仔主動講，但起身後、沖涼前、去街前、回家後、臨瞓前，我地都要南瓜仔去 vee vee ><
南瓜仔戒片進展：
- 30M 戒日片
- 32M 戒夜片
- 37M 自己去vee vee 啦 ....
有天，南瓜仔話去vee vee，正當我諗住幫佢時，南瓜仔：「 媽咪，得啦，我自己去就得！」
南瓜仔一直都係大人廁所去vee vee(仲未夠高，要企矮凳)....
現在會自己搬矮凳>企上去 >除褲>"掃" JJ>去vee vee>著褲>蓋廁所板>沖廁>搬高凳>洗手>抺手>完成
雖然要去到37個月先自己去vee vee (不過我都有跟住佢！哈！哈！)，但我已經十分開心，下次既挑戰係屙完poo poo 自己抺pat pat，唔知幾時教先好呢！？
自從南瓜仔戒片(33M)後，都有失過手 .....
1) 屋企：試過幾次，都係掛住玩，好急先去vee vee ><
2) 瞓覺：2-3次。
3) 出街：0 次，叻仔。
4) 學校：2次，但我就唔知係瀨 vee vee！？定係屙得唔好整濕左！？
拎JJ先去到？唔會反而壓力仲大v唔出咩？我哋喺後面望住燒腩仔都會v唔出㗎，不過宜家總算戒咗都好呀﹗
回覆刪除唔幫佢拎jj都去到，只係南瓜仔會照去，會整到好dirty，所以咪教佢要拎起，點知佢又唔肯拎喎……結果咪攪左咁多個月。
刪除抹pat可以教下佢，佢大大下又會自己抹，我冇特別要小豆子自己抹，大大下佢自己搞唔要我幫佢，k2開始自己搞掂haha
回覆刪除已經好叻了, 我囡岩岩 3歲, 連日片都未戒到, 岩岩先開始唔拒抗係厠所去 vv, 仲未識主動表達要去厠所, 都唔知幾時先戒到片~
回覆刪除南瓜仔好叻啊，我都想巨龍快d 戒片啊....不過佢好似未ready......>m<"""
回覆刪除我都想知幾佢地幾時poo poo完自己抹pat pat~~XD
回覆刪除