親子好去處@南丫島

22/11/2015 (38M3D) + (20M1D)

目的地：南丫島(某村落)

約理南瓜仔舊PN同學仔一齊去 (係其中一個小朋友既姨媽家)！！


↑ 係香港仔集合，然後搭快艇入去，上船前已經知道船程大約 5分鐘，但真係估唔到咁快，或者唔應該用「快」字，係用「超快」(仲刺激過玩海盜船 ><)，原本南瓜仔係自己一個坐，所以 hd 就抱住佢坐！！($350，坐8人)

去到，有室內鞦韆、氣球，呢班小朋友已經好開心咁玩！！


↑ 仲有個玩外水池，可惜南瓜仔玩唔夠5分鐘就話唔玩！！

咁就返入室內，睇住其他小朋友玩 .........

(事後問番南瓜仔點解唔玩！？佢話唔鐘意有人淋水落佢身上！南瓜仔真細膽 ........)


↑ 待班小朋友休息一陣，食下野 (香蕉係屋主自己種)，再出發行一陣山！！



↑ 南瓜仔最初同班小朋友一齊行，行到一半已話「出哂汗」，又要抱！！

而南瓜妹就抱抱下瞓埋，真係好攞命！！

沿路有好多水果樹，屋主仲帶我地摘檸檬，每人一個帶返屋企 .......

再入番屋企玩一輪，再再出去玩！！

差不多六點，咁就搭快艇回香港仔，今次架船開慢左，但都係用8分鐘時間！！

食埋飯，就回家了！！

後感：南瓜兄妹真係好懶，完全唔適合戶外活動，行一陣就話攰，又話行得遠，成日都要抱，所以我決定帶多d戶外活動！！