新家具

講出來都覺得好過份，屋企既大廳燈，大大話話壞左4年以上，唔好問我點解唔一早換，我都唔知點解唔一早換！？？？(我地之前一直只係用飯廳燈照明)

南瓜仔讀 K1 就要做功課，而做功課又係晚上，所以大廳燈就變左必須品，否則就對南瓜仔對眼有好大影響..........

9月份時，我地揀去左觀塘既「燈堂入室」買，佢地既款式都多，價錢又平(樓上舖，可能租金平！？)，服務好好，買燈後既2日後送貨+裝燈添，超 GOOD！！

不過最重要係要光猛，所以揀左白色燈膽！！


↑ 裝燈前 (南瓜妹無野好玩，放個膠盒係頭上)

↑ 裝燈後 

買完燈就要買書枱，無枱同椅子又點做功課呢！？？我地去左宜家買，貪佢夠平！

順便買埋個書櫃俾南瓜兄妹 ......


↑ 對相hd既書，呢度只係「冰山一角」........... ><

為左放張書枱，我地就黎左一個大變身 ......

(1) 掉左個玩具架，放書枱
(2) 原本放南瓜仔既書，就買左10多個膠盒放玩具
(3) 用了個走廊位放書櫃

不過屋企真的太多野了，樓價幾時跌呢！？？