親子好去處@2015 hd 生日

31/10/2015 (37M12D) + (19M10D)

有講番南瓜仔 / 南瓜妹既乳名既由來，因為 hd 係萬聖節出世，而佢個樣又幾似南瓜(暗笑)，咁佢就改左呢個乳名啦！！

hd生日，都無乜特別慶祝，只係好平淡咁渡過左 .......

今年由南瓜兄妹幫手整生日咭俾 hd！(咁啱前一日 hd 要 OT，所以有機會整)

↑「HAPPY BIRTHDAY」中，H，P (其中一個)，R (半個)，A(半個)，Y(半個)，係我捉住南瓜仔手寫，其餘既字都係南瓜仔自己寫，我係張咭上用鉛筆畫好格仔俾佢寫，亦係另一張紙上教佢點寫，當然係佢隔離"指引"佢啦！！而貼紙就係南瓜妹貼上去 ......

↑「爸爸」是我捉住南瓜仔手寫，背景就由佢地(亂)油顏色！！

是日，南瓜妹早上六點幾就醒左，所以一早就要同佢玩 ><

咁我就安排南瓜妹送咭俾hd，南瓜妹好乖咁俾hd"睇"左一陣，之後就唔肯放手俾hd，好不容易先拎得番！！><

到八點就南瓜仔醒埋，我再安排南瓜仔送咭俾hd ，之後同佢地玩下，差不多時間就出發啦 ......

呢間 buffet 要早一個月前 book，我揀了 lunch buffet，因為 dinner buffet 食完太夜了！

目的地：Icon Hotel (The Market)


↑ 唔怪得呢間 buffet 要咁早 book，佢地既食物質素真係好好，仲有 hd 同南瓜妹最愛既榴槤添，hd 仲讚不絕口添 .....

而最重要係今次佢兩個都好乖坐係度食 (可以安安樂樂咁食 buffet)，仲要食左好多好多，佢兩個既肚仔都「漲哂」！哈！哈！

而張"哈哈笑"既「食物」，係南瓜仔自己出去自己揀，hd問：「點解拎糖食！？」

食完就係隔離公園玩 .....

目的地：康達徑花園遊樂場

↑ 李小龍！？不是係南瓜妹！哈！哈！

玩完就返屋企，今次好好彩佢地無係車瞓，所以佢地兩個返到屋企一瞓就2小時，hd 同我又可以休息一下 (我地晨咁早六點幾就醒左)！

原本諗住晚上留係屋企，但南瓜仔一朝早就話要去婆婆屋企，仲不斷咁講，又問：「係唔係宜家去婆婆屋企！？」，見佢咁想去，所以就打俾婆婆話去佢屋企！！

買埋現成蛋糕(我都幾hea)上去......

↑ 一個hd唔鐘意，但南瓜仔好鐘意既蛋糕！

南瓜仔講左要食一個月，但南瓜兄妹病足3星期，所以一直都食唔到，我有問 hd 是否真的買呢個蛋糕！？hd 回答：「咁阿仔鐘意，咁咪買呢個囉！」

係喎！？？我無買生日禮物俾 hd 添 >.<  (係睇到小矇媽既安排後，我真係唔係有心思既老婆！哈！哈！)