南瓜仔@高度跟進(1) - 健康院

15/03/2016 (41M25D)

上次提過南瓜仔太矮，經私家醫生寫轉介信去健康院 ......

因為 book 左下午，所以上午南瓜仔照返學 ......

事前已經問左南瓜仔：「你想食完飯走！？定瞓完先走！？」

南瓜仔：「瞓完先走，瞓醒有蘋果食！」

咁我就等佢午睡後，先去學校接佢，南瓜仔見到我當然好開心啦！！(第一次見佢瞓醒，然後自己去vee vee)

當我地預備走時，南瓜仔：「我無食蘋果喎！！」

我：「我地要走啦，你聽日先食啦.........」


去到健康院登記，登記完就等叫名 ........

唔駛10分鐘，就叫南瓜仔既名，咁快！？？

姑娘首先安排南瓜仔度高磅重.......

身高：87.8 cm( 點解唔夠1個月就高左0.9cm！？？不過都係跌出生長線 ><)
體重：13kg

之後就問南瓜仔既飲食習慣，姑娘都係叫唔好偏食，之後就轉去俾醫生！！


又估唔到，等左20分鐘就可以見醫生 (我仲以為要等好耐添！)

我同醫生講：「我怕佢係矮小症！」

醫生幫南瓜仔度埋頭圍 ......

頭圍 keep 住生長線 (25%)、體重 keep 住生長線 (10-25%)，只係身高跌出左生長線。><

醫生又幫南瓜仔 check 手、 肚、JJ，初步睇全部正常。

醫生：「暫時睇唔似矮小症，佢身高比例正常，頭也不算大，而且你同你先生都係唔高大，以佢(南瓜仔)將來高度應該係 156cm (聽到156，我就"吓"了一聲)至173cm (哦，都有173cm)............但我都寫轉介信俾你去兒科跟進！」

我等埋轉介信就去醫院 (聰明既我，一早帶埋出生紙，因為都知有機會寫轉介信去醫院)


去醫院 ......

去到排期時，先發現原來要住址證明！？？？無帶添 ........><

但都黎到，照排隊登記，唔得先算！！

好彩，因為南瓜仔之前入過呢間醫院，所以有佢既住址證明，太好啦！！

排到6月就見兒科醫生！


出到黎，我見到的士站有新型的士 (我同南瓜仔講叫「肥嘟嘟的士」)，我就立刻同南瓜仔講，南瓜仔一見到就快跑去的士站 .........

的士司機一見我地要上車，就開埋(自動)車門，仲有條梯俾南瓜仔行上車，南瓜仔見到不知幾開心，上到車仲講：「嘩！呢架車好靚！」

呢款新的士係4人車，車箱後有好大空間，可放bb車 / 行李 / 輪椅等，坐位亦算舒算，所以我問左司機攞電話，如果去機場帶埋行李都不錯既選擇， tel：8191 1219 或 3700 6500 或 whatsapp 67384030  (Call 車要另加 $30-$80，都唔平！)

最後，當然帶南瓜仔食tea啦 (其實係我食，因為我連午餐都未食，餓死我！)！！


後記：

屋企人話點解等咁耐！？我覺得都係等3個月，又唔係急症，算係咁啦！

亦問點解唔去私家！？一來我唔知睇咩科，二來上網睇若真的是矮小症，私家既費用唔平 (政府 $3000 一個月，私家貴30%)......

而我內心深處都係覺得南瓜仔只是矮小，只要後天努力，就會有正常高度！