親子好去處@香港花卉展2016 (維園)

20/03/2016 (42M1D) + (23M28D)

目的地：維多利亞公園 (香港花卉展)

我見天氣不太好，已經話唔好去花展，但 hd 話只係有少少霧，就按原本計劃去花展 ......

點知出到門口已見有毛毛雨 (明明 hd 話係霧喎 ><)，唉，唯有希望去到會停雨！

當然，去到時無停過雨啦！！

我又無帶南瓜兄妹既雨褸，而南瓜仔更無著有帽既外套，所以全程都要抱住佢2個 (好彩有帶2把遮).......

最煩係 hd 要同佢地影相，我真係 ()&*$%^*!&^&(^，我一隻手抱住南瓜妹 (南瓜妹外套有帽)，另一隻手就拎住把遮，遮住南瓜仔 (南瓜仔影相中)......

呢個動作做了好幾次，我真係頂唔順 (無哂力)，我就叫 hd：「你要影相都得，總之你要遮住南瓜仔，佢病左我就入你數！」

↑ 雨就越落越大，唯有去 d 有蓋地方休息一下 (重申，我真係無哂力)，可能 hd 感受到我既 "氣"，所以就快快走人！！

之後就出發去 mega box 睇「迪士尼復活蛋」(有 toy story) ......

我地就食飯先，點知食完飯想去影相時，商場已封左「復活蛋」，話有商場活動攪，結果無得行埋去影相 ><

今日真係唔多順利！！