南瓜妹@24個月

21/03/2016 (24M)

時間過得好快，妳已經2歲了！


媽咪好鐘意每天接你放學，妳總會笑住望住我，之後拖住妳的小手仔一齊回家。

每當見到同哥哥一起玩，聽到你們的笑聲，我就好滿足！！

每次妳講「鐘意媽咪」，其實媽咪更鐘意妳！！

雖然妳是個平庸小朋友，既不聰明，亦不蠢頓，但慶幸妳是個聽話既小朋友，雖然偶然也會扭計，但尚可接受！

早前，妳面試強差人意，而令到我有唔開心，但回心一想，妳只是一個未足2歲的小朋友 .......或者妳心中已有鐘意的學校。

只要妳健健康康、快快樂樂，這才是我最想的，我深信讀書不是「羸在起跑線」，對嗎！？

媽咪祝妳：「身體健康！」、「快高長大！」

食
湯、包都係大愛。

食飯時好、時差，有時仲用手食飯 >< 

如廁
又開始帶南瓜妹去廁所 vee vee。

但不知為何每次南瓜仔 poo poo時，南瓜妹就一定話要去 poo poo 或 vee vee (但又係真係 poo poo 喎)，暫時未諗到解決方法，因為我一教就用大人廁所，而屋企只得一個廁所，都唔知可以點！？？

瞓
晚上放落床無耐就會瞓著！

發展 
1) 語言能力：

妹妹指住朱古力蛋糕要食，我：「你病，唔食得！」
南瓜妹：「我都無病！」(><)

餵南瓜妹食藥，南瓜妹：「我好番哂，唔駛食藥！」

同哥哥爭玩具：「呢個係我架，唔係你架！」

仲識唱全首生日歌，「happy birthday to XX (you)，happy birthday to XX(you)，happy birthday to XX(you)，happy birthday to XX(you)！」(南瓜妹一係全首唱 you 或者全首 xx (自己名)，唔識第三段改自己名！)

南瓜仔放(復活節)假，南瓜妹要返學，南瓜妹臨出門口：「媽咪，你留係屋企陪哥哥！」，之後同我講完 bye bye 就同公公落樓返學。(竟然沒有扭計要我送佢返學喎！？？)

返學
都係成日提同學名，每次問佢邊個無返學，南瓜妹都講到！(因為whatsapp group 家長有講，所以知！)

又同我講譚XX (南瓜妹真係好鐘意譚XX，成日同我講：「鐘意譚XX！」，又會講譚同學著 mickey 衫(便服日)。

回家唔肯放書包，所以打俾班主任了解，但班主任話佢係學校好正常，沒有抱住書包唔肯放，都點解屋企唔肯放呢！？？煩！

順便問下南瓜妹既情況，班主任話南瓜妹多左野講，仲會講完整句子，但有時瞓醒後，就會講野，嘈住其他小朋友午睡 ><

其他

-  16隻牙
-  21.6磅(9.8kg) 

 
 ↑ 24個月！！

生日正日無特別慶祝，只係買左個蛋糕同埋買左 hello kitty 髮夾俾佢 (南瓜仔送俾妹妹生日禮物) .......

原本諗住買 hello kitty蛋糕，但停售左，唯有轉買 melody 蛋糕！！

南瓜妹自己唱生日歌，唱完仲自己吹爉燭 (事前已經同南瓜仔講係妹妹吹)，吹完之後，南瓜仔就話要自己切蛋糕，俾佢切完後，南瓜妹又話要切 ........

我：「妹妹，請媽咪食一啖蛋糕！」
妹妹：「唔得！」
我：「點解唔請媽咪食！？」
妹妹：「因為媽咪咳咳，唔食得，好番先食得！」(學足大人講野，但事實係妹妹獨食 ><)

我估唔到南瓜妹會咁答我！！><

最攪笑係南瓜仔問我：「點解妹妹有3次生日！？」

估唔到南瓜仔心水咁清 ......... 

南瓜仔仲講定請乜朋友仔慶祝佢生日，仲諗埋要咩生日禮物，唔.......媽咪無諗過攪大型生日會喎！！


**為保障南瓜妹既私穩，所以不會 post 佢既相，不過會繼續寫成長日誌至3.5歲！！