親子好去處@【2016 復活節】寶康公園/單車公園/佐敦谷公園

一連四日假期又結束 ......

南瓜妹又係只放紅日，真係太"正"！

而南瓜仔呢！？又放17日(19/3/2016 - 4/4/2016)假期 ><，可惜南瓜仔由星期二 (23/3/2016)開始病，已經食左抗生素，好彩所有燒都退哂，只係d咳仲未止。

放假先黎病，好慘豬呀！！


25/03/2016 (42M6D) + (24M4D)

南瓜仔高燒 (最高39.1度)啱啱退，都係在家中休息 .......

hea下hea下又一日，只係佢地睇下書、玩下玩具，咁又一日！！


26/03/2016 (42M7D) + (24M5D)

天氣真的天好，應該要吸收一下新鮮空氣，可能對病程會好一點！！

目的地：寶康公園

去公園玩，係南瓜兄妹最愛，所以早上就帶左佢地去玩！！



放完電就回家食飯 + 午睡，由於下午直至晚上十一點 hd 有事要做，所以我就選擇留係屋企。


27/03/2016 (42M8D) + (24M6D)

目的地：單車公園

第一次約南瓜妹既同學出黎玩，南瓜妹不知幾高興 .....

南瓜妹就狂提譚同學，可惜譚同學無份出席，唔知南瓜妹有無失望呢！？

過埋呢個學年，大家就各散東西，主要原因係原校 PN 無全日制，而大家都係在職人仕，所以都轉左其他學校讀全日制 PN (都係唔想俾工人姐姐或四大長老"寵壞") ........


最初只得2個同學仔到左，呢幾位小朋友就玩左1小時，之後就小休 (同學仔都陸續到)，再之後呢班小朋友只係掛住食零食，沒有走圍玩 ><

所以去到正式午餐時，南瓜兄妹都無乜點食野！！

食完午餐就回家午睡啦 ~~~~~

晚上就去左 mega box 食晚餐，原因 (1) 上次留左餐具係餐廳，要返去拎番 (2) 上次影唔到迪士尼「復活蛋」，今次要影番相！ 


28/03/2016 (42M9D) + (24M7D)

目的地：佐敦谷公園

約完南瓜妹既同學，就約南瓜仔既同學 ......

其實呢一日我唔係好想去，因為南瓜仔既咳嚴重左，但南瓜仔話好想去玩，一時心軟既我，就決定帶南瓜兄妹去 (hd 係反對出街玩)！！

南瓜仔去到有點呆，仲要我抱住佢，好彩隔了一陣又精神番！！


↑呢班小朋友又去草地玩、又去遊樂場玩，不知幾開心！

期間呢班小朋友狂食野，可惜南瓜仔有咳，好多野都唔食得，唯有食水果 ......

但南瓜兄妹就狂食人地既水果，攪到我都唔好意思 ><

而南瓜妹仲不斷俾士多啤梨俾 hd 食，但我一粒都無 ><

(事後，我問南瓜妹：「點解爸爸有得食！？哥哥有得食！？媽咪一粒都無！？」

南瓜妹：「因為媽咪唔乖！」

吓！點解我唔乖！？？？？)

而咁啱呢一日有個團體攪左個油顏色，所以就 join 埋一齊玩 ~~~~~~

油完填色就開餐 ......

第一次草地上食 pizza，真係又幾特別喎！！

食完又去遊樂場再玩過 .........

小朋友既精力無限！！

玩到兩點就回家啦，唔好講笑，我真係勁攰 ......... 一齊午睡就最開心！！