到現在為止，我仲未買任何野俾南瓜妹，真係懶到出汁！！哈！哈！
現在煩緊俾咩床俾南瓜仔瞓！？晚上南瓜仔就話陪我地瞓，咁早午晏呢！？張bb床應該俾左妹妹瞓 ......
方案1：買張兒童床俾南瓜仔 (bb床放係廳)
方案2：南瓜仔瞓網床，放係廳
方案3：換樓 (但機會係零，樓價太貴！)
你地會點安排呢！？
原本係約左上個星期，但HD全日要返工，所以改左今個星期睇！
咁啱今日 Playgroup 唔駛返，所以就 book 左最早時間睇，希望唔駛等咁耐 ~~~~
醫生話南瓜妹係「大隻妹」，胎水亦比較多，可能會係血糖過高，所以安排我做糖水測試，仲叫我小心飲食，唔好食咁多甜既食物，因為血糖過高會影響bb腦部發展！！
其實呢一胎我除左剌身外，其他乜都食，仲特別鐘意食糖果、朱古力、檸檬茶，所以全部都無戒 .......
由於當日我已食左早餐，所以唔可以即日驗，唯有安排下星期，希望 PASS 啦，唔係餘下十多個星期真的好難過！！
南瓜妹
BPD=6.78CM(26W6D)
HC=24.1CM(26W2D)
AC=22.1CM (26W4D)
FL=4.67CM (26W2D)
EFW=905GRAMS
自己
體重：50.6KG (重得勁快！)
體重：50.6KG (重得勁快！)
你屋有幾多間房？如果無地方，比網床佢訓....
回覆刪除得兩房咋
刪除如果方案一嘅兒童床放你哋房？定姐姐房？我覺得呢個好D喎，始終佢大個仔都需要張床嘛，網床好似唔瞓得幾耐咁
回覆刪除我間房放唔到多一張床，所以係同工人姐姐一間房
刪除一仔唔肯瞓網床，当網床係玩及困住佢既地方，好彩白天佢肯瞓自己张子母床架！
回覆刪除一仔由初生至四個月大，瞓高身有轆搖籃款的BB床，细细张，好方便，可以屋里周圍推，之后係bb床，一歲瞓子母床。
我果時有八九成戒口，凍辣生凉零食都唔食，頂多間中食一次麥記！
我諗我多數買兒童床。
刪除上胎我都無乜戒口，28周後乜都食
我覺得買兒童床好啲喎，南瓜仔都大啦。肚B由細瞓網床瞓到大，都間中一排就放落床爆喊，南瓜仔冇瞓開可能唔慣，同埋遲啲好心手連網床都擒到出黎架！
回覆刪除我都諗住買兒童床
刪除我會訂做張有上下格既子母床放細房, 工人姐姐又訓得, 又可以先比南瓜仔適應下訓床, 等南瓜妹大d又可以訓埋子母床!
回覆刪除現在工人姐姐係瞓上格床，下面係放bb 床，所以就諗住下格放張兒童床，但bb床就可能要放係廳
刪除