已經差不多6個月，時間真係過得好快，而我內心真的有點擔心 ........ 怕照顧2個年幼既小朋友，我會變成點呢！？如何安排佢地既生活習慣呢！？
而南瓜仔我相信係會呷醋既小朋友，因為有一次 HD 抱住表妺，南瓜仔立刻飛去 HD 度，要HD 抱佢，唔俾 HD 抱表妹，咁南瓜妹出世後，南瓜仔會點呢！？？
BOOK 左早上9:00，去到由自己做番「三步曲」- 驗小便、量血壓同磅重，我既體重已去到 48KG 啦！因為同上一胎既體重差不多，所以我估都好正常！！
今次等左差不多2小時，超耐！！原來助產士早上要睇左個急症，遲左先開始，希望下次唔駛等咁耐啦 ~~~~
由於我想快點走人，所以都不想同助產士多談，所以都係快快聽下南瓜妹既心跳就算！！
我連藥都唔拎，我唔想再等，出去買就算！！
因為我想快快回家睇我既心肝寶貝囝嘛，同佢玩完，先返工！！
自己
體重：48KG
體重：48KG
係，有兩個infant真係吾駛休息！ 無計，唯有你睇一個，老公睇一個啦！ 加油呀！！
回覆刪除你都要加油呀
刪除BB出世前同南瓜仔講多D會有妹妹，等佢明自己大個仔做大哥哥，最重要係入醫院前一定要同南瓜仔講聲，佢哋真係知咩事㗎﹗
回覆刪除有人就教準備定份禮物畀哥哥，係妹妹返屋企當日送畀哥哥話係妹妹送嘅，不過係唔係真係work就唔知啦，我個婦科醫生就教生第二個，媽媽返到屋企除咗餵奶就唔好理個細，所有精神放晒係個大到，等佢唔好覺得多個細妹就無人理佢
我有同南瓜仔講佢做哥哥，但我覺得佢唔明囉！！
刪除咁我都買份禮物俾南瓜仔先。
我都諗住會照顧南瓜仔多啲，南瓜妹仲咁細，未識嘢嘛
妹豬表姐開頭知道自己會有個妹妹之後,嬲到癲咗,嬲咗佢媽咪好耐,不過到妹妹真係出咗世,最錫妹妹嘅,反而係佢,所以我諗當南瓜妹出世之後,南瓜仔都應該會好鍚妹妹
回覆刪除吓！嬲左阿媽好耐！？？？？
刪除希望南瓜仔同南瓜妹相親相愛啦
相信多d同南瓜仔講有個妹妹，佢可以做大哥哥，要幫手照顧妹妹呀，得閒又比佢摸下你個肚仔，慢慢佢會適應到。
回覆刪除我有叫南瓜仔摸我既肚，仲同佢講係妹妹
刪除洗唔洗開始買個玩具公仔, 扮餵奶沖涼抱佢訓...? 咁佢會唔會易接受有個妹妹出世呢?
回覆刪除我一早就買左個bb 公仔俾佢玩啦
刪除你係咪4月媽媽呀??^^
回覆刪除我係4月媽媽來架~都打算係QE生呀~
我係4月頭生，都係qe
刪除