懷孕左南瓜仔3個月時已經報名，等左20個月，終於等到 Victoria 既 Playgroup！
坊間都傳言，若讀到佢地既 Playgroup，就容易入到佢地既 N 班 (上網睇過，最多係一半同學可以成功入讀)，南瓜仔早前都報左Victoria(3月先有面試)，我相信南瓜仔入到機會係零，現在我估應該高少少，有10%啦，始終係傳統名幼稚園，多數收大B同叻B，所以入唔到我都唔會失望，因為無希望過嘛！！
↑ Victoria 書包仔
第一次上堂可以兩個家長陪同，之後就只能一個............
佢地有護士，入課室前要測體溫、檢查手仔、口 (家長及學生)
上堂時間 2小時 ........
第一部份：廣東話上堂，自由活動一會，之後唱歌仔，分組再做手作仔，最後再唱下歌仔
第二部份：自由遊戲時間
第三部份：下午茶時間 (三絲湯米)，南瓜仔當然食唔哂！！
第四部份：英文上堂，唱歌仔、講故事書
南瓜仔無扭計，不過就反應就一般，可能太早起床 (放左學，係BB車就立刻瞓左)，兩位老師就讚南瓜仔好定！！
如無意外，南瓜仔會讀到2歲，希望南瓜仔返學得開開心心！！
連playgroup都要懷孕時開始報，好恐怖呀@@
回覆刪除如果咁樣可以畀南瓜仔讀到上N班又幾好嘅，咁你唔讀「先到先得」果間啦？
唔係呀，我既意思係讀到佢2歲，暫唔再轉playgroup
刪除暫時都係讀先到先得既學校，睇下有無仲好既學校收佢啦
作者已經移除這則留言。
回覆刪除你就好喇~我都有同妹豬報Victoria同Tutor Time,可惜到依家2間都無下聞
回覆刪除你幾時報！？呢兩間都係超多人報名。
刪除你好勤力，咁早揾定資料報名！
回覆刪除兩小時playgroup，一仔一定扭哂计，但南瓜仔一定不会辜負媽媽一番苦心，所以上完堂先瞓，Good boy！
南瓜仔除食野外，好少扭計
刪除南瓜仔真係大個仔左好多好多，初頭睇第一張相時以為係借用某位小朋友背影影書包仔，點知......原來係南瓜仔本人親身演繹，真係大個左好多！依然好可愛呢 ~
回覆刪除係呀，大個左好多，但仲係好細粒
刪除