親子好去處@2015 復活節 (day 3) - Pegga Pig Super Pop

05/04/2015 (30M17D) + (12M15D) - DAY 3

目的地：Pegga Pig Super Pop (九龍灣國際展貿中心)

因為表妹勁鐘意 Pegga Pig，所以就約埋我地一齊去，一早就買定入場券(大小同價$150，一歲以下免費)，因為入場費都唔平，南瓜妹又足一歲，如果一家大細去就要$600，南瓜妹又唔識玩，所以就我同南瓜仔入去，hd 同南瓜妹留係屋企！！

同表哥、表妹一齊去，之前佢地主辦單位有好多既負面評價 (要排好耐時間)，所以我地晨早9點4就到(10點先開始)，但原來無人排隊囉！！

↑ Bungee Gym：南瓜仔明明好鐘意跳單床，但不知為何今次唔肯跳，只係彈左唔夠1分鐘 。而大型吹氣滑梯更大喊話唔玩 .........><

'Super Peppa" Interactive Music Room：油完填色，就俾職員scan，之後個公仔就係大電視出玩，而南瓜仔最鐘意既的音樂(歌)，聽左3轉先肯走。(可以將油完既peppa pig 印係T恤度，$280)

Peppa 'Pig'ic：滑過2次草地，都要我陪，南瓜仔話好驚......

Pegga Pink Express：影相區。

Pegga Photo Zone：影相區，第一次排排下隊話驚，唔影，之後見表妹影，又話要影。(有職員幫我地用手機影，若要買3D相就要$150)

Peppa Train Station：影相區，呢架既火車，同09/2014係沙田新城巿既火車一模一樣囉！！

Pig's Family Cooking Kitchen：影相區。

Pegga Playround：攤位遊戲，要額外俾錢 ($5@代幣)， 南瓜仔都唔識玩，但我問職員可否俾個代幣俾南瓜仔擲下，職員都肯俾(當然擲中都無獎，不過南瓜仔又點會中......哈！)

之後成場都係行來行去，都唔知佢想點，哂錢！ ><

玩後感：排隊只係用5分鐘左右，職員好nice，但場地好細、無乜野玩、仲要$150入場費，唔值囉！ 

玩到12點，就去Mega Box 既稻香食飯，hd 就帶埋南瓜妹出來，食完飯就行了一陣街，之後就返屋企午睡！

午睡完，就再出發去表哥屋企玩同食飯......


↑ 南瓜妹見到狗仔就狂喊，仲好大聲講：「驚驚！」，而南瓜仔都係怕狗，最後唯有放隻狗仔入房，唔俾狗仔出廳！

↑ 復活節嘛！買左個蛋糕慶祝.......

食完飯同蛋糕後就回家啦！！