是日下午公公因為要去睇醫生，婆婆陪佢去......
平時下午係由公公同工人姐姐照顧南瓜仔/妹，我怕工人姐姐照顧不來，所以就請了下午假！！
填左`請假紙，原因是「要照顧小朋友」！(前幾次無寫，問長問短)
結果，老細問我仲乜請假......
我：「我爸爸下午要睇醫生，阿媽陪佢去，所以我要照顧小朋友！」
老細話：「你有工人，你咪叫佢照顧佢兩個！」
我：「佢地太細，工人照顧唔到佢兩個！」
老細：「呢D假唔係成日可以請，咁會影響其他同事！」
我：「咁我影響邊個同事！？影響D乜！？」 (我只係請半日假，平時我既工作係獨立，所有野都係自己做番，唔會因為我不在，有人幫我做，而且仲又無趕急工作！)
老細：「我唔知呀！？」(咁你話我影響同事！)
我：「咁我係唔係我叫爸爸自己去，叫阿媽黎睇我小朋友！？」(當時我真的鬼嬲！)
刪下一大堆既說話........
雖然佢最後都批假，但佢一啲都唔體諒別人囉！！
講番正題......
目的地：Mega Box
接在南瓜仔落校車後，就去食午飯，之後就去mega box .......
↑ 再去9樓既室內兒童天遊樂場玩，但玩在唔夠幾分鐘就話要去「玩具反斗城」！
去到「玩具反斗城」，咩玩具都玩下！(南瓜仔有樣好，唔會叫我買！)
此時應該累了，就返屋企，係車上仲瞓埋.......
↑ 落左車(17:00)，知道南瓜妹仲未瞓 (平時16:00瞓)，唔想南瓜仔嘈住妹妹，就去食甜品！見南瓜仔瞓了半小時，係時候叫佢起身，南瓜仔見到雪糕不知幾高興.......
係cam 度仲見南瓜妹仲未瞓(17:30)，唯有帶去會所玩！！
終於係cam度見到南瓜妹瞓左，就俾南瓜妹瞓多一陣，我地先回家 (18:30)，一返到屋企唔夠5分鐘，又俾佢嘈醒妹妹 ><
呢一日嘅下午，我湊咗燒腩仔返學之後都去咗行AEON，可惜見你唔到
回覆刪除下次有緣會撞見
刪除你老細都有病架，攞AL基本上唔洗同佢交代啦，要照顧小朋友仲話會影響到同事，真係好衰！
回覆刪除公公帶肚B出街，都好鐘意去Mega box架！宜家個兒童樂園「歡樂波波池」係免費定收費架？
搭咀，其實佢咁講嘢可能已經構成家庭崗位歧視，下次可以提佢留意返
刪除依？肚B都成日去mega box㗎？我住得咁近可以私會吓佢喎，kakaka...
波波池免費的，但要排隊，有時間限制
刪除所以真係唔開心+嬲
刪除我老闆仲絕, 有一次又係因為屋企無人幫到我, 要照顧小朋友請AL, 佢為左唔想俾我放, 叫我帶埋小朋友返工, 果日係星期六, 基本上公司無咩做, 但佢都唔俾我請, 最後我帶住BB返工, 扭計喊到拆天, 影響到其他同事工作~~
回覆刪除最後到11點(我本身星期六放1點), 老闆叫司機車我同BB 返屋企, 仲要唔駛扣AL
佢叫你帶埋bb返？？？佢真係傻傻地，不過佢最後搵人送你返屋企，又衰唔哂
刪除嘉路，你上司係女士？一d同理心都無，其實請自已AL，有時都唔明點解要講做d咩。
回覆刪除嘩 ~ 哥哥有得玩又有雪糕食，實加倍開心！:)