目的地：香港動植物公園
早上去左會所玩一陣，之後就回家，待佢地午睡完才出發，因為呢排天氣真係好熱，所以都係黃昏先出去戶外活動 ......
↑ 之後就去睇猩猩、猴子、猿猴、浣熊等，南瓜仔對猩猩仲有興趣，睇到唔想走 .....
其中2隻猩猩仲玩空中打鞦韆，睇到南瓜仔 O 哂咀！！
我問佢夠唔夠膽咁玩鞦韆，佢答：「唔夠膽，會跌落黎！」
↑ 睇完動物就去公園玩！
↑ 我最鐘意睇到南瓜仔係公園同其他小朋友一齊玩 ^^
玩到六點半就走人！！
但我呢個大頭蝦既媽咪唔記得帶蚊怕水，咬到我呢........係我，我起碼咬左20粒蚊，南瓜妹都中左幾粒，而南瓜仔好彩無事！！
地址：中環雅賓利道
網址：http://www.lcsd.gov.hk/tc/parks/hkzbg/index.html
↑ 之後就去金鐘 Thai Basil 食晚飯.....
可惜南瓜仔超唔合作，明明好鐘意食菠蘿，我地咪叫菠蘿炒飯俾佢，但佢又話菠蘿好辣 (點會辣呀！？？)，唔肯食，只係食左幾啖，都唔知佢想點！？南瓜妹呢！？係咁話要食(已經食左baby food 同提子)，俾慢d就大叫 ........
我呢排都成日遇到類似菠蘿炒飯事件，明明係燒腩仔鐘意食嘅嘢，專登整or叫畀佢食，佢居然畀D勁嫌棄嘅反應我，但佢好少少係威逼利誘下都總算肯食，唔知係唔係佢哋呢個年紀係咁㗎呢
回覆刪除總之就煩到死
刪除嘉路、嘉路，我覺得你們當爸爸媽媽的，真的很了不起，為左令孩子多出外走走、呼吸新鮮空氣，無懼炎熱天氣，呢排咁熱我都盡唔約人...連街都懶得去，真係好熱呢 ~
回覆刪除家下已經咁熱，離近暑假...都唔知點算好...=.=
一星期都係2日街，辛苦少少都值得
刪除