寒冷日

24/01/2015 (40M5D) + (22M3D)

天寒地凍 (59年來最凍，3.3度)，我就揀左留係屋企，我唔會咁傻帶小朋友上山睇「雪」！

咁凍，當然最好就好瞓覺啦，不過南瓜妹就唔係咁諗，晨咁早(七點未到)就起身，之前都會陪佢玩，是日當然"迫"佢再瞓啦 ~~~~

最後大家一齊瞓到九點，太好啦！！

上網 check 天氣，嘩！2.7度 ..........

有乜防寒方法：

1) 著到"粽" (防禦衫/褲、彷羊毛衫/褲、厚衫/褲、背心外套、襪、冷帽)
2) 開暖風機 (除左同佢地沖涼 + NB 時係房轉衫 or 片外，我都未試過係廳開過！！)
3) 飲暖水
4) 打邊爐 (hd 話買肥牛、菜都勁多人)

全日係屋企有乜做！？

- 睇 toy story 2
- 午餐
- 一家四口一齊午瞓 (太正啦！)
- 晚餐 (打邊爐)
- 沖涼
- 瞓覺


- 仲有，自得其樂 ......

1) 南瓜妹連被都玩一大輪！
2) 南瓜妹帶完帽後，就講：「媽咪，影相！」
3) 南瓜仔無野好玩，將著緊既襪帶係手上 ><，又將頂帽遮住果頭，仲問：「媽媽，你見唔見到我！」

原本我仲計劃定第二日著乜返學，點知教育局宣佈停課！！

hd 就十分同意教育局做法，而我呢！？我就中立，返唔返都得。

由於南瓜兄妹 + 表妹(姐)都停課，所以公公就去左表妹(姐)家，婆婆就黎我屋企，好彩係我有 backup 咋，否則我就要請假陪佢地！！

南瓜妹@PN大作戰(5) - 國際英文幼稚園

23/01/2016 (22M2D)

由我同南瓜妹面試，而 hd 就同南瓜仔係出面等我地 .......

登記完，就入學校既 playgroup 玩，佢地既地方真係好大呀！！

玩左一輪就去佢地既幼稚園校舍，老師安排左 6 個小朋友一張枱，枱面有d玩具俾佢地玩，但南瓜妹無興趣，仲四圍走去其他枱拎玩具 ><

好不容易先等到叫我地去面試室，係 group in，有2排椅子 (圍半圓)，小朋友坐前面，家長坐後面！

老師事先講明唔好幫小朋友，仲俾左份問卷我填，我都知份問卷唔係重要，所以都係 hea 填！

1) 老師一個個問小朋友叫咩名，南瓜妹無答。

2) 行出去老師枱，將指定物件(提子)放入指定顏色籃，南瓜妹無做，不過就返埋位拖住我手行出去，之後好好慢好慢先放將提子係指定既(黃色)籃。

3) 講出動物名，南瓜妹無答。

4) 將花放入花瓶，做到。

5) 同老師圍圈跑，無做，呆企。

面完試，我真係有唔開心，我仲問南瓜妹：「點解唔答老師問題！？」

南瓜仔 in PN 時已經 in 得麻麻，但話哂都係細b (12-18M) 唔識答問題(上當年仲未識講野)都正常，不過南瓜仔都會做哂指令，又唔會喊又唔會扭，更唔駛我抱 ........ 而南瓜妹無論說話能力、表達能力都比南瓜仔好好多，為何面試比南瓜仔更差呢！？？？

隔了多天，心情先平伏左，或者我對南瓜妹有較高期望，所以就失望越大！！

南瓜妹@親子功課 (揮春)

南瓜妹又係親子功課啦 .......

上次有個旅行攝影 + 相框既親子功課，但我都影唔到靚相，所以就無參加到！！

今次就係揮春設計 (不是比賽，是用來佈置學校用)！

當然「功課」主力都係由 hd 去做，我就搵d舊利是封出來，而南瓜兄妹就負責揀利是封俾 hd ！

hd 仲用南瓜兄妹既名作了春聯 ..........

↑ 「新春歲歲豐  嘉節年年盛」 


 ↑ 最難就係剪字同猴子，真係小d心機都唔得！

而 hd 話最花時間係設計，只係諗「排版」就差不多用左1小時！！

再一次佩服 hd 既心機！！
 

南瓜妹@22個月

21/01/2015 (22M)

07:05  奶 (7安)
07:10  刷牙 + 洗面 + 換片 + 換校服 
07:25  早餐 - 包
08:00  落樓 /上校巴
08:25  到校
17:00  放學
17:25  落校巴
17:30  換衫 / 洗手 / 遊戲時間
18:45  晚餐 + 水果
19:30 小休
19:50  洗白白
20:00  遊戲時間
20:30  奶 (7安)
21:00  瞓

食
湯、包都係大愛。

飲奶超快，可能唔駛2分鐘就 KO 支奶！

如廁
大進步，南瓜妹有主動講去廁所 vee vee ........ (拍掌)

有天 (04/01/2016)，南瓜妹話要 poo poo (南瓜妹係事前講 poo poo)，我諗住等佢去完先同佢換片，點知南瓜妹自己除褲，仲坐係椅子度"扮"屙 poo poo 喎 (好彩無除片)，之後就起身話屙完 ....... 南瓜妹真係屙左 poo poo 呀！

第二天晚 (05/01/2016)，南瓜妹拖住我手話要去廁所 vee vee，我當然陪佢去啦，放南瓜妹上廁所後，南瓜妹自己坐定定 (之前係大喊)！！

南瓜妹：「屙完！」
我：「你都未屙！？」 (都無 vee vee 聲.....><)
南瓜妹：「屙完！」
我：「 「你都未屙！？」(扮哂野！)
突然，我就聽到"水"聲，yeah ~~~~~
南瓜妹仲有個勝利既笑容！！

南瓜妹咁叻，我就立刻拍掌.......南瓜仔聽到後，又飛奔過黎拍埋手掌，南瓜妹真係覺得自己好叻，自己仲拍埋一份添！！

第三日朝(05/01/2016)，南瓜妹又成功去左 vee vee .......
南瓜仔：「妹妹去到 vee vee ！」
我：「係呀！多得哥哥，妹妹就係跟住哥哥做，所以哥哥做得好，妹妹先做到」
我對住南瓜妹問：「妹妹，哥哥叻唔叻！？」
南瓜妹點住頭：「叻！」
南瓜仔聽到妹妹讚佢叻，佢又真係以為自己好叻 .........

之後既日子，我都 keep住帶南瓜妹去 vee vee (但隔唔中唔肯去)，唔知南瓜妹幾時戒到日片呢！？都係過埋個冬天先 ........

瞓
晚上放落床無耐就會瞓著，但半夜總會喊幾次！？？之前我會去睇佢，但每次南瓜妹見到我，南瓜妹就要我抱佢起床 .......後來就由hd去睇佢：「你係唔係要媽咪，你要媽咪就要瞓！」南瓜妹又會乖乖瞓番！！

假期終於瞓耐左，可以瞓到8點 .......真的太好啦！！(雖然只有2天，好過無啦！)

發展 
語言能力：

1) 對話，可以回答簡單問題 .....
我：「你鐘意d咩！？」
南瓜妹：「hello kitty！」
我：「咁哥哥呢！？」
南瓜妹：「mcqueen！」
我：「哦....乜哥哥唔係鐘意我咩！？」
南瓜妹(奸笑)：「唔係呀，哥哥鐘意mcqueen！」

南瓜仔將d糖放係在高處，南瓜妹企係椅度想拎：「唔夠高！」
之後落番地下，一路落一路講： 「哥哥先夠高！」

之前南瓜妹下體損左 (肚屙，poo poo "up" 住 pat pat)，我地問南瓜妹：「你邊度痛！？」
南瓜妹手按下體：「呢度痛！」

放學回家，係書包拎左粒糖出來俾我睇，我：「邊個請你食！？」
南瓜妹：「霞姐！」(學校校工)
我：「點解請你食！？」
南瓜妹無回答我 ......
我：「咁幾多歲先可以食糖！？」
南瓜妹：「3歲！」(我係咁教佢！)
我：「咁你可唔可以食糖呀！？」
南瓜妹：「唔可以！」
我：「咁你俾粒糖我啦！」
南瓜妹又會俾我喎！

放學回家，南瓜妹：「去公園！」
我：「咁你自己去定同哥哥去！？」
南瓜妹：「同哥哥去！」
我：「但哥哥係屋企喎，不如你自己去公園......」
南瓜妹(喊住講)：「唔得，要同哥哥去！」
我：「咁我地返屋企啦，哥哥係屋企」
南瓜妹：「好！」

我：「你係唔係傻豬！？」
南瓜妹：「我係傻豬xx (佢既名)」
我：「咁哥哥係唔係傻豬！？」
南瓜妹：「傻豬哥哥！」
我：「咁爸爸呢！？」
南瓜妹：「爸爸唔係傻豬！」
我：「咁媽媽呢！？」
南瓜妹：「媽咪唔係傻豬！」

落雨中，我抱住南瓜妹 ......
我：「落雨呀！地下好濕，我地要慢慢行，咁我地可唔可以跑呀！？」
南瓜妹：「 唔可以，會跌，跌左就會喊！」
我：「咁落雨要帶咩野！？」
南瓜妹：「遮！」

活動能力：
- 識吹泡泡 

返學
- 識得與同學仔玩
- 少左推椅
- 自己食飯

其他

-  16隻牙
-  21.1磅(9.6kg) 
-  開始愛看書 

↑ 22個月！！
 
我：「邊個送俾你架！？」
南瓜妹：「Ms Li」(係同學家長送，應該係老師俾佢，佢以為老師送！)

南瓜仔一見到，雙眼就發亮：「妹妹，不如拆出黎玩！？」
南瓜妹：「好呀！」
之後南瓜仔就話：「媽咪，妹妹話要拆出黎玩呀！」
我：「 妹妹，你係唔係要玩呀！？」
南瓜妹：「係呀！」
我：「咁你自己拆啦！」
南瓜妹扮拆：「唔識拆........」
我：「咁你叫哥哥幫你！」
南瓜妹：「哥哥拆！」
南瓜仔：「好呀！我幫你拆........」

攪左一輪，終於拆左出黎玩，但 ........

佢兩個玩唔夠1分鐘就唔玩 ><

南瓜仔@40個月

19/01/2016 (40M)

咁就40個月啦，呢篇係南瓜仔第39篇生長日誌 (13M，因 yahoo 搬遷停左一個月).........

食
都係唔飲湯、唔食菜 .......

無再剪食物 (除非佢要求)，等佢自己食！

瞓
晚上，15分鐘內就會瞓著。

發展方面
對話：
我正在洗白白時，南瓜仔敲洗手間門：「媽咪！媽咪！」
我：「咩事呀！？」(唔通 vee vee！？)
南瓜仔：「爸爸係你銀包拎你既錢呀 ......爸爸係你銀包拎你既錢呀......」
我：「吓！爸爸係我銀抱拎錢！？？」
南瓜仔：「係呀！ 」
我：「哦！唔該哂你呀！」
爸爸：「爸爸拎錢俾姐姐買餸！」
(我真係覺得好好笑 .....哈！哈！哈！)

南瓜仔食完晚飯，我見佢鬼鬼祟祟 ........
原來佢拎住盒 tic tac 糖，仲俾我見到佢口中有 "白色既野"！！
我：「你係唔係食 tic tac 糖！？」
南瓜仔：「無呀！」
我：「你個口有糖喎！？」
南瓜仔：「飯黎架！」
我：「飯！？你開個口俾我睇！」
南瓜仔二話不說就食左落肚，仲好堅持係飯 .......
我就立刻放下自己碗飯，抱住南瓜仔：「如果你食左 tic tac 糖，媽咪唔會鬧你，但如果你講大話，媽媽就會唔開心！咁你有無食 tic tac 糖！？」(重覆左3次)
南瓜仔就望住hd：「爸爸，你唔好望住我！」
hd 就無望佢。
南瓜仔就係我耳邊 (細細聲)講：「我食左 tic tac 糖！」
我：「咁你下次食就要同我或者爸爸講，唔可以自己再拎黎食！」
南瓜仔：「ok！」
(唉！咁細個就識講大話.........><)

南瓜妹好怕 big bad wolf ......
南瓜妹唔肯食飯，南瓜仔就打電話 (用自己隻手扮電話)：「喂！ big bad wolf，妹妹唔食飯，你黎捉佢啦！」之後就"收線"。
南瓜仔就對南瓜妹講：「 big bad wolf 係出面啦！」(指住屋企門口)
南瓜妹就會扁住咀：「唔好呀！」之後南瓜妹就乖乖食飯 .......
南瓜仔又再打電話(用自己隻手扮電話)：「 big bad wolf ，你唔好黎啦，妹妹食緊飯！」
南瓜仔對南瓜妹：「 big bad wolf 走左啦！」
南瓜妹又會笑番！！
(我又覺得呢兩兄妹好攪笑......)

打(真)電話：
南瓜仔會自己打電話俾我  .......
有次送佢上校巴，臨上車前我同南瓜仔：「不如你放學返屋企俾我，話你已經返左屋企！但唔駛公公或者姐姐幫你喎 ........」
南瓜仔：「好！」
到放學時間，我係cam度已經知道佢返到屋企 .......
隔了一陣，我既電話響起，傳來南瓜仔既聲：「媽咪，我返到屋企！」(真係幾 sweet)

打俾我：「媽咪，我可唔可以食香蕉！？」
我：「可以！」
南瓜仔：「好野，可以食香蕉！」 

返學
無乜大分別！

情感方面
都係鐘意同妹妹玩！

但間唔中對住妹妹講：「我以後唔同你玩！」

健康
- 無端端又會發燒，但無鼻水、無咳，帶去睇醫生都係無講到原因！？d 人話係發骨節！？但我又唔覺南瓜仔高左喎！？
- 體重： 27.4磅 (重左喎！？？)

南瓜妹@PN大作戰(4) - 康怡維多利亞幼稚園

16/01/2016 (21M26D)

係一間好難入學校，一來佢地有 playgroup (維多利亞 / Artplus)，二來會哥哥姐姐會優先，所以都係以試下心態 .......

由 hd 帶南瓜妹去面試！

我就要返工，我有諗過請假，但學校只可以一家長陪入，咁我同hd一齊去都無用，咁不如 hd 一個去吧！！

去呢間學校好方便，因為係港鐵上蓋，只係行1-2分鐘！！

待南瓜妹返到屋企後，我就打電話俾 hd 問南瓜妹 in 成點 .......

hd 第一句：「in 得好差， circle time 時狂喊囉！」

我就無再問 .......

回家後，我再問下詳情 (因為我要寫 blog 嘛 )

據 hd 所講，登記完就係大堂玩一陣，之後就係8個小朋友一齊 group in  (3位老師) ......

期間南瓜妹就係枱面玩下玩具，老師就 hd 傾下計，最後就 circle time，不過南瓜妹就狂喊 ><

當聽到南瓜妹狂喊時，我就心一沉 .......

明明係屋企唱哂歌、跳哂舞，但點解去到學校就喊呢！？hd 回應：「可能怕陌生掛！？」

唉，in 成咁 ..........

南瓜兄妹@2015/2016 流感針(四價流感疫苗)

南瓜兄妹每年都有打流感針，所以今年都唔例外！！

咁啱屋苑係 11/2015 提供免費打「四價」流感疫苗 (可能年年都有安排)，我就幫南瓜兄妹  book 打針 .......

但去到打流感疫苗前一日，職員打來話只可幫3歲以上既小朋友打，咁即係南瓜妹無得打！！(話無3歲以下既針喎.....)

所以南瓜仔就係 29/11/2015 (38M10D) 打針先！

南瓜仔己不是BB，唔再打大腿，要打手臂 ><

南瓜仔一見到針就狂喊，好彩有個家長請南瓜仔食糖，咁佢就無野，仲好快打針添！！

而我一直心想安排打針，但就懶得安排 (要帶文件)，最後係公公不斷「提醒」下，終於去診所打針啦！！


15/01/2015 (21M25D)

公公一早就帶埋文件(出世紙 / 針咭 / 學校接送咭，要帶齊文件先有政府資助，自付 $100)去診所先，我接南瓜妹放學後 .........

我：「一陣間要見醫生同打針呀！」

南瓜妹喊住講：「我唔睇醫生、唔打針！」

我：「唔得呀！打左針就唔會再病！」

之後南瓜妹都係講 「我唔睇醫生、唔打針！」.........

南瓜妹一見到醫生就狂喊：「我唔睇醫生！」

醫生：「佢未夠3歲，只係打半針就得，咁你現在出去等姑娘打針啦！」

我就同南瓜妹講：「都無事，走得啦，你同醫生講 BYE  BYE！」

南瓜妹就停左喊，仲好開心同醫生講：「BYE BYE！」

我地都出去再等護士安排打針 .......

↑ 南瓜妹好開心係診所四圍行，但當入到打針室時，南瓜妹：「我唔打針，我唔打針！」

最後當然成功打到針啦！！

2014/2015

南瓜妹@流感針(四價疫苗) - 第二針

南瓜妹@流感針(四價疫苗)

南瓜仔@流感針(四價疫苗)

2013/2014

南瓜仔@打流感針 

P.S：由於佢地之前已經打過流感針，所以只係需要打一針。

親子好去處@香港足球會 (同學仔生日會) + 皇室堡 + 調景嶺體育館(兒童遊戲室)

 是日行程好豐富 ........

10/01/2016 (39M22D) + (21M20D)

去南瓜仔既Alicia (同學)生日會，我呢個懶媽咪去到當日先去買禮物 ..........

所以我地就係屋企樓下食完早餐，就出發去銅鑼灣啦！！

目的地：皇室堡


↑ 見到有 peppa pig，就同南瓜兄妹影下相，要影佢兩個合照，真係好難 ><

之後就去左玩具反斗城買禮物，買完就出發去生日會啦！！


目的地：香港足球會 (生日會)



Alicia 媽媽安排兩個吹氣彈床同小型波波池，仲有「特別嘉賓」！！

只係兩個吹泡跳床，南瓜仔而且玩到唔停，連食都唔駛食 ........

而南瓜妹就唔夠膽玩，不過就不停咁食野，仲食左2件蛋糕添 (唔好俾 hd 知，一定俾佢話我！)

臨走前，南瓜妹先肯玩小型波波池喎 .......

南瓜兄妹一上車，就瞓左啦！！

事後，我先知有個女同學主動錫南瓜仔塊面 (個家長仲影埋相俾我睇！)，睇到我眼凸凸 .........最攪笑係我俾南瓜仔睇番張相，南瓜仔流露著滿足既眼神，仲要睇幾次張相添！！


目的地：元氣壽司

回家休息一陣後，我地就出發去食晚飯 (17:30) .......

無錯，我地未到六點就去元氣壽司食晚飯 (價錢一般又好味既餐廳，一定要好早搵位)！！

去到時我地唔駛等就可以入坐，但未到六點，出面已經有好多人等緊位！！

最開心就係南瓜仔，佢好「享受」拎壽司既動作，每次拎完都好滿足，而我都好想去試下「高速線壽司」，南瓜仔一定好開心.........

食完大約 18:30 (真係好早 ><)，餐聽只係叫緊 15x 號，而籌號已經拎到 19x，係唔係好誇張！？


目的地：調景嶺體育館 (兒童遊戲室)


↑ 時間尚早，所以去調景嶺體育館 - 兒童遊戲室 玩( hd 話已經玩左成日！？點解仲去玩！？因南瓜仔講左成個星期，而我地平日又帶唔到佢去，現在有時間咪去囉！！)，我地仲諗住呢段係食飯時間，應該無乜人去，點知 FULL 哂喎！？？

原本諗住走人 (都無得玩)，職員就叫我地等下，睇下有無小朋友走，有小朋友走就可以入去玩！我心諗 .......邊有可能有小朋友走架！？但南瓜仔話要等，咁就等下啦 .......

南瓜仔就真的好乖，自己企定定等有小朋友走，點知，真係有小朋友只係玩左 15分鐘就走人！？？

南瓜兄妹玩得勁開心，聽到佢地既笑聲，連自己都開心埋！！

返到屋企我已經好累，南瓜妹上床無耐就瞓左，原本我都諗住南瓜仔都好快瞓著，點知係張張好耐仲未瞓著喎！？？最後差不多11點先瞓著 (是否太興奮呢！？)。而第二朝起床後，南瓜仔第一次同我講：「我好眼瞓！」......

親子好去處@藍田游泳池+圖書館+公園

09/01/2016 (39M21D) + (21M19D)

目的地：藍田游泳池+圖書館+公園 (藍田綜合大樓)

同一座大樓有唔同野玩，都不錯呀！！

hd 帶了南瓜仔去游水 (一樓)，而我就帶了南瓜妹去公園(四樓)玩！！


↑ 不過呢個公園完全唔啱南瓜妹玩 (適合 5-12歲)，所以玩左唔夠 5分鐘就走人！！

之後就上左去圖書館(五樓)，而個圖書館既兒童圖書館好新淨，而且仲有d圖書好齊全 (我地曾經暑假去過另一間圖書館，入面只得3成既書 ><) ，可惜係部份圖書爛哂+畫花哂，點解大家唔愛惜一下呢！？？

同完南瓜妹睇完書，就同南瓜妹買小食 (魚蛋/燒賣)，跟住就去接南瓜仔，之後就返屋企！！

南瓜兄妹@聖誕禮物

終於寫完南瓜兄妹既聖誕節點過，現在寫下佢地收左咩禮物！！

我只能講「現在小朋友真幸福」，我小時候無去咁多街，亦無收過咁多禮物 ........

 
↑ 南瓜妹，玩具。


↑ 南瓜仔，南瓜仔最初幾日勁鐘意玩，仲要帶埋出街 .......但過了幾日，就打入 "冷宮"了！

 
↑  南瓜仔，mickey mouse 火車。


↑ 南瓜妹，裙。可以用黎面試著！

 
↑ 南瓜兄妹，餅乾就可以俾佢地食，糖呢！？就大人食！！

 
↑ 南瓜妹，背囊


↑南瓜仔，發達啦，有咁多車 ......仲要未影相已經俾南瓜仔拆出黎玩！！(其中一隻minnie 係南瓜妹，所以先未拆)

 
↑  南瓜仔，玩具車、泡泡、貼紙、砌圖、書、袋
    南瓜妹，筷子、袋、玩具(手飾)、髮夾、砌圖

後來我見 fb 既朋友係一份份咁拆，而佢地一收禮物就立刻拆，係唔係無咁好呢！？

南瓜仔@紅疹

2016年就最希望個個人都身體健康，點知南瓜仔2016年既第一日就要睇醫生 .......


01/01/2016 (39M13D) + (21M11D)

早上，南瓜仔既手、腳出左紅疹，心諗 ...... 唔係手足口呀！？？

是日紅日，樓下得一間診所開，我同 hd 最唔鐘意呢間，但無法，都要去睇！！

我：「佢對手腳都出哂紅疹！」

醫生立刻帶手套，睇完南瓜仔既手腳：「哦.....濕疹！」

我：「不是手足口！？」

醫生：「不是！」

醫生再睇埋南瓜仔既口，我再問：「是不是手足口！佢話個舌頭好痛 (唔知係唔係尋日咬親，定係出左疹！？)」

醫生好肯定講：「不是手足口，佢又無燒，手掌、腳掌、口都無出疹！」

既然醫生咁肯定，我就放心........

晚上，見南瓜仔既手腳既紅疹不但沒有減少，仲多左 ........

諗住再去診所再問下醫生，點知姑娘話要再要俾診金費！？？？？我同 hd 商量後，都係唔再睇番佢，若有需要，明天搵個皮膚科醫生睇好過！！


02/01/2016 (39M22D)

南瓜仔手腳紅疹未退，雖然南瓜仔話唔痕，而且仲好精神，但我有點怕 .......

原本諗住係樓下睇皮膚科醫生，可惜 full booking，只可排 waiting，但我個心都係想快點睇，等 waiting 都可能無得睇 .......突然記起巨龍睇過皮膚醫生，就問巨龍媽拿醫生名 (謝謝巨龍媽！！)

打去診所問，佢地早上睇到一點，我就同 hd + 南瓜仔一齊出發，而南瓜妹就留左家中俾工人姐姐照顧 ........

去到 12:30，拿了籌就同南瓜仔去食午餐先，13:15 再返回診所 ......

等呀！等呀！等呀 ........ 咁等到 14:15！！

hd：「佢呢2日出哂紅疹！前一日都睇左醫生，醫生話係濕疹，呢d 就係醫生開既藥！(我地帶埋d藥去)」

醫生都係睇d藥，睇埋手、腳、口：「 佢都發得好勁喎！」

醫生：「現階段唔係手足口，因為無手足口既病徵 ....... 而佢本身有濕疹底，突然發得咁勁，應該係病毒感染！」

hd：「咁駛唔駛膽固醇！？」

醫生：「不用，只係病毒感染，不過佢發得咁勁，你預最少一星期先退到(紅疹)！」

我：「吓！要一星期！？？？」

醫生：「佢(南瓜仔)已經好勁，發到咁都應該好辛苦，佢都無扭計，好叻叻！」

hd：「點解會發成咁！？」

醫生：「有好多因素，可能係食野、外左因素，接觸狗仔、貓仔！」

醫生再開了另一種藥膏，再開多一支藥水俾南瓜仔 ......

我同hd都唔明點解會出紅疹！？唔通係姨媽家屋企既狗呢！？？

睇完醫生返屋企已是16:00 .......

原本明天去同學仔既生日會，我都取消埋，都係留在家中休息吧！！

南瓜仔：「我想去 alvin 既生日會！」


03/01/2016 (39M23D)

再無出紅疹，而之前既紅疹已"謝"了好多，南瓜仔又好精神 .......

不過都係留左家中，不出外了！！


04/01/2016 (39M24D)

紅疹只得3粒未完全"謝" (但都"謝"了一大半)，所以都決定俾南瓜仔返學！(濕疹唔會傳染)

返工返屋企，見南瓜仔既紅疹都"謝"哂，但d紅印就唔會幾時先會退........


05/01/2016 (39M25D)

南瓜仔表哥中左手足口 ......><

之後家姐話表哥全日食唔到野、痛到喊 (從未試過病到喊)、全晚都瞓唔到，聽到都心痛 .........



↑ 見到都心痛！！

親子好去處@2016 元旦(大坳門)

01/01/2016 (39M13D) + (21M11D)

早上，南瓜仔既手、腳左紅疹，就立刻帶去睇醫生，醫生話係濕疹 ......

既然醫生咁講，我就放心！！


目的地：大坳門

天氣咁好，南瓜仔又無事，就出外玩！！

今次已是第三次去，而今次既目的係放風箏 .......

之前兩次都無咩人，今日就人山人海，佢地大部份都係 BBQ 同 放風箏！！
 

↑ 小食亭食野！

↑ 放風箏啦！

由於放風箏既人太多，放得太高d 風箏就 "打架"，太低又容易跌番落黎 .......

而南瓜仔一開頭就好熱衷，但玩玩下就無再玩 ........

↑ 最後就去吹泡泡！！

南瓜仔有樣野會跟足妹妹，就係妹妹落地行，佢就一定要一齊落地行 / 妹妹抱，佢就要抱！！

所以南瓜妹肯行，我同 hd 就不用太辛苦，如果唔係我地就要一人抱一個，而 hd 仲要背埋 "行李" (2個小朋友既野真係唔少 ><)，真係幾攞命！！

呢一日南瓜妹八成時間都肯自己行，但南瓜兄妹就四圍走，我一個睇兩個 (其實我怕睇漏眼)，hd 就放風箏(放完上天先俾南瓜仔玩) ........

玩完就回家休息 .........

晚上出街食飯，巧遇 blogger BBB，南瓜仔話記得 BBB！？？？點會呀！？上次見應該係南瓜仔9個月大，點會記得！？？？

親子好去處@2015 除夕(姨媽家)

31/12/2015 (39M12D) + (21M10D)

本來南瓜妹要返學，但前一日學校打電話俾我，話南瓜妹有扭計 (因南瓜妹肚屙，應係 poo poo "up" 住 pat pat，攪到損左，所以一屙 vee vee 或 poo poo 就狂喊，南瓜妹仲會大叫好痛！！><)，咁啱南瓜妹既班主任又放假，所以主任建議南瓜妹留係家中休息！

咁屋企又有 hd 又有工人姐姐，咁不如就請假一天啦 .......

是日，我可以提早放工，yeah！！！

除夕有乜節目！？就係去表哥屋企玩 ........


目的地：姨媽家

姨媽家屋企有狗仔，而南瓜兄妹都係怕！！

↑ 去到表哥家，咩都玩一餐 ......

南瓜妹見到有番茄食，就叫姨媽俾佢食，咁當然南瓜仔又話要食啦，點知南瓜仔食食下就喊，話舌頭好痛，可能自己咬到自己 .......

↑ 只係簡簡單單一餐飯，再加上一個蛋糕！！

返到屋企都9點多，攪掂完佢地兩個，我已經好累 ........應該未到11點就瞓左！！

第二朝，我問 hd 有無倒數，hd 話同陶傑一齊倒數，我：「呢.....你做乜唔叫醒我！？」

hd：「我先無咁蠢，你一定會問我 "做乜嘈醒我！？"」

oh，hd 太了解我，平時俾南瓜兄妹嘈醒就無辦法，如果 hd 叫醒我，我一定會發脾氣！！哈！哈！

親子好去處@黃泥涌水塘公園+淺水灣+舂坎角+赤柱

30/12/2015 (39M11D)

又黎 hd + 南瓜仔親子遊啦 ........

正當我返緊工時，收到 hd 既 whatapps，見到佢同南瓜仔一齊去玩，我個心都好想跟住佢地一齊玩！！


目的地：黃泥涌水塘公園+淺水灣+舂坎角+赤柱

詳情我都不太清楚 ......

↑ 黃泥涌水塘公園，玩左1小時既水上單車 .......

之後就去左淺水灣行沙灘，南瓜仔當然無落啦，佢都怕沙，不過就去左遊樂場玩！！

去舂坎角睇跑台 .......

再去赤柱，又去多一個遊樂場！！

佢地既行程好豐富，最後既行程就係黎我公司接我放工！！

親子好去處@MegaBox (恐龍樂園「3D魔幻館」)

29/12/2015 (39M10D)

南瓜妹學校只係放"紅日"，所以是日照常上課 ....... (我好鐘意學校既安排，但佢地學校老師咪無得放假囉！？)

而南瓜仔仲放緊聖誕假， hd 又陪佢出街玩！！

因南瓜仔嚷著要同表哥玩，所以就約埋表哥、表妹一齊出街 .......


目的地：Mega box (恐龍樂園「3D魔幻館」)

入場費：$100 (包代幣7個)，每個代幣 = $10

↑ 影相區

 
↑ 探索區：4個代幣


↑ 兒童充氣樂園：2個代幣

 
↑ 恐龍電動車： 大恐龍：5個代幣、小恐龍3個代幣


只係睇相，好似玩得好開心，之後我見到南瓜仔：「今日同表哥、表妹去睇恐龍好唔好玩！？」

南瓜仔：「好開心，我同表哥跑來跑去........」

hd 話，南瓜仔只係掛住係場地跑來跑去，對影恐龍無乜興趣.........

哦！原來南瓜仔最鐘意同表哥跑來跑去！！

2015 回顧 + 2015 重要生活點滴 + 2016 展望

2015 回顧 

睇番上年既展望…….

1) 身體健康，健康好重要，所以永遠要排第1位！ 
→ 佢兩個斷斷續續病左成個月，南瓜仔仲入埋醫院兩日，雖然不是什麼大病，但都擔心死我。

2) 南瓜仔、南瓜妹相親相愛， 呢個要排第2位，親情亦是無野可以代替！
→ 兩兄妹都有爭野，但大部份時候都係相親相愛。

3) 搬個大單位， 希望2015年樓價真係會跌啦，若果真的會搬，就會搬去心儀小學既地區附近，希望將來佢地返學唔駛花咁多時間係交通工具上，D時間用來玩好過啦！！
 → 望左 N 咁多年，都係有升無跌 ><  

2015 重要生活點滴

2015年主力係帶南瓜兄妹去玩，每逢假期都會帶佢地去玩，雖然佢地未必會記得，但我會好好記住，特別現在有 blog 同 fb .......

香港仲有好多地方未去過，但我更想同佢地搭飛機！！


南瓜仔：

已經再不是BB，而是小朋友了.......

升上了 K1 (全日制)，南瓜仔好快就適應了新校園生活！！

亦不是像 PN 只係玩，真係要學習、做功課、有評估 .........

南瓜仔好細粒，佢既同學更高他一個頭，所以我地就安排南瓜仔學游水，一來是求生用，二來可以增高，但學了半年都係無乜高 ><，而游水進展尚算ok，已經學緊自由式既動作！

其次我地亦安排南瓜仔學話劇，因為南瓜仔太內斂，因為可以練大膽 d，可惜學完第一個學期，都好似無乜分別 ><


南瓜妹：

最大既唔同係2015年8月已經開始返學，仲係返全日制........

只係16個月就要自己搭校巴 (可能係全港最細搭校巴既學生) .......

我同 hd 都係在職人仕，南瓜妹留在家中，就只得工人姐姐照顧，工人姐姐做家務或者"睇"住仲可以，其他野我真係萬個唔放心，畢竟我相信學校多過工人姐姐！！

雖然我同 hd 都無乜點教過南瓜妹，但南瓜妹既學習能力真的不錯，我不知道是(1) 學校教！？(2) 係第二個 (跟哥哥學！)！？或是 (3) 女仔！？

不過，明年 (2016年9月)PN 南瓜妹就不會返全日 (因這間學校 PN 只有半日制)，所以明年我亦會每天lunch time 接佢放學！！ 


2016 展望

1) 全家人都身體健康，希望連小病都無乜！ 

2) 南瓜兄妹相親相愛！
3) 南瓜妹入到心儀 PN ，真係唔想 K1再黎大作戰！
4) 再多一點親子時間！
5) 搬個大單位， 希望2016年樓價真係會跌啦！！