親子好去處@2015 除夕(姨媽家)

31/12/2015 (39M12D) + (21M10D)

本來南瓜妹要返學，但前一日學校打電話俾我，話南瓜妹有扭計 (因南瓜妹肚屙，應係 poo poo "up" 住 pat pat，攪到損左，所以一屙 vee vee 或 poo poo 就狂喊，南瓜妹仲會大叫好痛！！><)，咁啱南瓜妹既班主任又放假，所以主任建議南瓜妹留係家中休息！

咁屋企又有 hd 又有工人姐姐，咁不如就請假一天啦 .......

是日，我可以提早放工，yeah！！！

除夕有乜節目！？就係去表哥屋企玩 ........


目的地：姨媽家

姨媽家屋企有狗仔，而南瓜兄妹都係怕！！

↑ 去到表哥家，咩都玩一餐 ......

南瓜妹見到有番茄食，就叫姨媽俾佢食，咁當然南瓜仔又話要食啦，點知南瓜仔食食下就喊，話舌頭好痛，可能自己咬到自己 .......

↑ 只係簡簡單單一餐飯，再加上一個蛋糕！！

返到屋企都9點多，攪掂完佢地兩個，我已經好累 ........應該未到11點就瞓左！！

第二朝，我問 hd 有無倒數，hd 話同陶傑一齊倒數，我：「呢.....你做乜唔叫醒我！？」

hd：「我先無咁蠢，你一定會問我 "做乜嘈醒我！？"」

oh，hd 太了解我，平時俾南瓜兄妹嘈醒就無辦法，如果 hd 叫醒我，我一定會發脾氣！！哈！哈！