親子好去處@錦田鄉村俱樂部 (2)

13/03/2015 (29M24D)

目的地： 錦田鄉村俱樂部

又去啦，今次係學校攪既親子旅行......

上次南瓜仔去完，念念不忘跳單床，仲話約左同學仔一齊去(都唔知係唔係真！？)......

前一天，我同南瓜仔講：「如果聽日落雨就無得跳彈床，咁你同果天講聽日唔好落雨啦！」

南瓜仔大聲講：「聽日唔好落雨呀！唔係我會罵你架！」

點解南瓜仔會咁講！？？係唔係我成日講，「你再唔聽話，我就罵你」呢！？

天公做美，這天天氣好好，YEAH！！

學校係安排旅行社負責，所以有導隊，仲有條毛巾仔送俾我地！！

係車上，有老師同小朋友唱下歌 .......

去到目的地，就由老師帶領做唱歌、做早操，不過南瓜仔係「零」反應 ><

南瓜仔仲話要拖住J女同學.......

最無聊係要跟領隊係場地行一個圈 (有點浪費時間，此時已經係11點了，只得1小時玩)！

之後就自由活動，當然我達成南瓜仔心願.........

↑ 南瓜仔仲同J一齊跳彈床，不過全程佢兩個無一齊玩過，各有各跳，再去玩碰碰車！

玩完已經係集合時間，咁就玩完啦 (有部份家長選擇留低，不過我選擇跟車走) ~~~~

上到車無耐，就瞓埋！！

一落車佢就醒左，之後就食LUNCH (仲同路人甲家長食，係三九唔識七，只是第一次見面^^)，再係商場行了一會，就搭車返屋企附近剪頭髮，諗住帶佢去有車坐既髮型屋($188，都幾貴)，但都係無用，都係喊，好彩唔係喊左好耐，最後都成功剪好髮！！