Grow Up Photo@證件相

早前，學校安排左 Grow Up Photo 影畢業相同證件相！

當收到相後，hd 有點不滿意，因為南瓜仔果樣勁呆，仲叫我打去要重影.......

我心諗，點會有得重影呀........

不過，我都有打去問！

職員：「無問題，可以安排重影，你幾時上黎！？」

我 (吓！)：「可以重影！？」

職員：「係呀！影到你滿意為止，我地希望家長明白，影相當天學校俾我地時間不多，只得分幾鐘影一個，所以我地有安排售後重影服務！」

GOOD！

14/03/2015 (29M22D)

我地之前已經係車度「練習」笑，仲好成功添......

可惜，南瓜仔去到都係勁呆、零反應，職員同我地出了唔同「法寶」，都無用！！

因為要影2張 (1張校服相、1張係畢業袍)，第1張都用了20分鐘，先影到有笑容！但一話著畢業袍就喊！

啱啱有個同學仔又上來補影，我地就俾佢地影先 (唔駛5分鐘就成功 >< )

不知為何南瓜仔咁唔鐘意畢業袍，死都唔肯合作，一d笑容都無，連佢最鐘意既 CARS 都唔得，最後又用了20分鐘，終於影到有笑容！！

一星期後就收相啦！

雖然係重影，但佢地好有耐性 (我都有點氣餒，想講不如放棄)，仲係影到我地滿意為止，將來南瓜仔要影小一面試相，我都會搵番佢地！！
 

Grow Up Photo
Address: Rm 508, Westin Centre, 26 Hung To Road, Kwun Tong
Tel: 34602839