親子好去處@下水禮

03/05/2015 (31M14D) + (13M12D)

原本係前兩日去姨姨度游水，但撞正午睡時間，唯有今日補番俾佢地啦......

目的地：CLUB HOUSE 泳池

去 CLUB HOUSE 係最方便，游完可以立刻返屋企，唔駛帶咁多野去......

原本計劃 13:00 去，但攪呢攪路，攪到13:45先去到 (平時南瓜妹係 14:00 食TEA)！！

南瓜仔知道游水，不知幾開心，仲同看更叔叔講：「我宜家去游水！」

前幾次都帶埋電話落去影相，今次都有帶架，可惜泳客比較多，唔想俾人以為我影佢地，而且救生員又係格離 .......

南瓜妹完全唔怕水，自己係水中自得其樂 (用坐住既水泡)！！
 

↑ 因HD唔俾南瓜仔再用坐住既水池，要用呢個「水肘水泡」，最初南瓜仔死到要拖住我，之後 HD 就帶南瓜仔去大池，估唔到唔駛一陣，南瓜仔可自己一個係水中浮喎，可惜無得影相，無得影南瓜仔既“英姿”......><

游左半小時，我見南瓜妹有睡意，就帶佢返屋企先，南瓜仔就同HD繼續玩！

我回家後，就要幫南瓜妹沖身，之後食埋奶 (平時食糊，但佢咁累，應該唔肯食糊)，食完奶唔夠1分鐘，瞓左！！

南瓜仔就差不多游左1.5小時，回到家，沖完身，之後又係好快咁瞓左！！

游水真係放電既好方法！