南瓜仔@GAMES DAY

28/04/2015 (31M9D)

學校係攪 GAMES DAY (唔係運動日) ，即係玩遊戲！

去到場地已經話要搵J (女)同學，見到 J 同學又要同佢坐，之後就排隊落場地唱校歌，唱完就做早操，之後就等玩攤位遊戲.......

係等既期間，南瓜仔見同學食燒賣又話要食，但去到小食亭就話唔要燒賣，要食腸仔，仲講：「我要請J 同學食！」，返到坐位，自己都未坐好，就立刻請 J 同學食！！

等了一會，遊戲就開始了.......

學校一共有12個攤位遊戲，分2節 (即每1節有6個攤位遊戲)！

每個攤位遊戲排 5 -15分鐘，南瓜仔都算係咁，全程都乖乖排隊 ....

而天氣都叫不錯，唔算太熱，都OK！

↑ 一玩就玩左1.5小時(玩左7個 GAMES)，期間遇 C 女同學，同C同學追來追去 ........

我見南瓜仔已經好累，我又要趕返工，所以玩到11點就走人！(學校俾家長自由帶走)

呢個仔呢，臨走時係咁叫住 C 同學.......><

南瓜仔上車無耐，就瞓左，我雖然都好累，但要睇住佢，又點瞓呢！？