在職媽媽

我同HD係在職人仕 ......

我地唯有放工後及假期，將所有時間俾佢地，希望可以填補不在家既時間........ 

06:00  我：沖奶俾南瓜妹  HD：餵奶
07:25  我：南瓜仔起身、去VEE VEE、早餐、換校服 (HD：已出發返工)
07:55 (08:20) 我：送南瓜仔上校巴
返工中
12:50  我或HD：出發接南瓜仔放學 (主力係我接，因HD多數 lunch time 去買餸)
13:10  我或HD：接南瓜仔返屋企
13:15  我或HD：南瓜仔換校服、洗手、去VEE VEE (有時間就會同抱下南瓜妹)
13:30  我或HD：出發返公司
返工中
17:15  我：陪南瓜仔/妹玩
18:30  我：餵南瓜妹食粥 (若HD回家，就會陪南瓜仔睇書/畫畫/勞作)
19:15  我及HD：與南瓜仔/妹一齊食飯/水果 (妹妹會同我地同枱食飯)
20:00  我：陪南瓜仔/妹玩 (HD：沖涼)
20:15  HD：南瓜妹沖涼  我：與南瓜仔玩
20:30  我：南瓜仔沖涼  HD：與南瓜妹玩
20:45  HD：陪南瓜仔/妹睇書  (我：沖涼)
21:00  南瓜仔：食奶  我與HD：同南瓜妹玩 
21:15  HD：陪南瓜仔睇英文碟及刷牙  我：同南瓜妹玩
21:30  我：陪南瓜仔瞓  HD：餵南瓜妹食奶

放假當然可全天候陪佢地玩啦！

最慶幸，係南瓜仔/妹有個好爸爸 .......

雖然hd多數七點先返到屋企，但返到屋企後會照顧佢地，待他們瞓了，才做他愛睇新聞同書。

-  每天買餸(lunch time 或放工買)、諗煮咩餸(叫工人姐姐煮)。
-  工人姐姐放假，會煮飯俾我地食。
-  放假唔會留南瓜仔係屋企，會帶佢出街玩(唔係帶落樓下玩，而係帶佢出街睇唔同事物)。
-  教南瓜仔英文/普通話 (若睇elmo's world / cars / 巧虎都係坐佢隔離，一路睇一路教，睇完仲會問南瓜仔問題。睇圖書亦會一路睇一路教佢英文，會以一問一答形式)，又會教南瓜仔畫畫等。

工餘時間，我地都減少用手提電話(whatapps)、不睇電視、不打機(hd 無呢個喜好)、放棄個人消遣。

我同hd亦不太享往「二人世界」，「二人世界」仲有漫長日子，令願將時間俾哂佢兩個，小朋友大個左，就未必再"需要"我地，要好好珍惜呢幾年時間，「親子時間」是什麼都不能代替！！ 

另一個要多謝公公.......

因為現在有2個小朋友，我不放心工人姐姐照顧兩個小朋友，所以公公會上午黎睇南瓜妹 (主要係陪玩)，而餵糊/粥、換片、家務等工作當然由工人姐姐做。

待我接完南瓜仔放學(13:15)後，南瓜仔食飯同南瓜妹食糊後，佢兩個就會一齊玩，直至16:00 就安排南瓜妹午睡，直至我回家！

自從公公(間唔中係婆婆)黎幫手睇，我原本加家用俾佢地，但佢地堅持唔要，但公公已是退休人仕，平時搭車黎到要錢啦，所以我就改用「飲茶錢」形式俾佢，佢又接收喎 ！！

而工人姐姐呢.......

對南瓜仔/妹好，有耐性餵佢地食野、無借錢、無偷野、做哂屋企家務，等我同hd有多啲親子時間，雖然我不明白工人姐姐點解會做一些令人費解既事，不過人不會完美，所以唔太過份我都唔會出聲！

我係屋企未見過南瓜仔/妹扭工人姐姐抱、工人姐姐行開又唔會喊，我係cam度睇，佢地都會同工人姐姐玩。 

老細.......

體諒「在職媽媽」既老細當然最好 ......

有次老細對我放假照顧小朋友有微言，攪到我心情忐忑不安，因為我知道自己仲會請假，到時我可以點呢！？

公公要入院做小手術(即日可出院)，公公婆婆知道我老細對我請假有不滿(當時我未知公公要做手術)，公公就同我講叫親戚陪入院做手術，婆婆黎我屋企睇住小朋友，我聽完公公既決定後，我個心好酸，這是否悲歌呢！？

原本都以為安排好好，點知做手術前一天，公公同我講：「阿E話點解有仔女都請唔到假！？有乜重要過自己阿爸！！」公公續道：「咁你阿E又講得啱！」

唉！原來公公內心係有唔舒服 .....

咁又係，俾著我，我都會唔高興，若護士問：「阿伯？有無人陪你黎呀！？」，無話唔hurt！！

最後安排左阿妹(佢老細好好)陪公公入院，婆婆就黎我屋企.........

我亦為今年9月作打算，南瓜仔K1將讀全日制，而我亦幫南瓜妹報了18個月班既全日制 (當時未知南瓜仔會讀全日制，現在南瓜仔讀全日制，我就想轉讀半日制，當然現在仲未面試，收唔收仲未知)。