親子好去處@1220 結婚6周年

20/12/2015 (39M1D) + (20M29D)

咁就第六年了，今年無特別慶祝，不過d活動都令到我忙透 .........

目的地：慈善行

南瓜妹都係"樹熊上身"，抱住我死都唔放，我已經無哂力，攞命！！


↑ 去到運動場都唔肯行，我就出動餅乾俾佢食，終於肯落地自己行，我就可以休息一下 .........

原本計劃行全程，但無奈南瓜仔要上話劇班，所以行左一陣就要走！

目的地：話劇班

我就陪埋南瓜仔著獅子衫 (扮獅子)，前一天我地已經不停同南瓜仔講要著衫、要唱歌、要講野，所以今天老師讚南瓜仔表現好好！！(可惜睇唔到！)

完左就就出發食午餐！！

目的地：W28 牛扒屋

hd 記得我要剧扒，所以 book 左呢間餐廳！！


↑ 呢間既扒真係幾好味喎 ........

食完午餐，就行一陣街就出發去銅鑼灣！！

目的地：銅鑼灣

約了6299一家食"做冬"飯，所以 hd 就去買埋聖誕禮物給小朋友 .......

大家都知道買禮物真係一件好煩既事 (都唔知買乜好！)，仲要帶埋2個小朋友，又要拎仲佢地既大褸 (入商場唔凍，但室外凍)、一般物資，都係好鬼重，為難左我地！！

我已經攰到唔想郁，好不容易先買好禮物，但已經到食晚餐既時候了 ......

目的地：銅鑼灣 (莆田)

做冬飯！！

雖然 book 了 14人，但張枱細到呢 ........

唯有大人抱住小朋友食，咁即係大人無得食，不過我都無心機食，我只係想快快回家休息！！

其實南瓜兄妹已經好累，但我唔想佢地係車上瞓 (怕回家後又唔瞓)，所以不停係車上同佢地傾計 .......

回家後就快快攪掂佢地沖涼、吹頭、食奶、刷牙、著睡袋等，又要預備明天既，攪掂完佢地就自己沖涼！！

南瓜妹上床唔夠1分鐘就瞓左，而南瓜仔可能太開心，要10分鐘先瞓，我呢 .....

我想，我唔駛5分鐘就瞓了！！



↑ 唔係咩貴重禮物，但都好開心！！