親子好去處@親子旅行(沙頭角農莊)

12/12/2015 (20M21D)

同完南瓜仔去旅行，就輪到南瓜妹啦，不過當我睇到呢個旅行地點，第一個反應係 O 咀，沙頭角！？？咁遠 .......

又撞正南瓜仔家長日，唯有兵分兩路，我就同南瓜妹去旅行，hd 就同南瓜仔去見家長啦！！

而今次我係第一次自己單拖帶南瓜妹去咁遠既地方 + 咁長時間，不過可以單獨陪住南瓜妹，係一件樂事！！

目的地：沙頭角農莊

地點已經好遠，仲遇上塞車，去程差不多用了2小時！！

學校係搵旅行社包團，我都好明白去程時會有小朋友好精神，想諗d玩意俾小朋友玩，但個領隊由頭講野講到落尾，係我前面、側邊、後面既小朋友(包括埋南瓜妹)都瞓哂  ><

臨落車前，南瓜妹就醒左，南瓜妹已經好勁，係咁嘈既情況下都瞓左個多小時！！

去到目的地已差不多11點半 ......

1) 影大合照先！！

2)  集體活動


3)  ↑ 之後去行左一個大圈，最估唔到係今日南瓜妹肯行 (用食物引誘，所以不停不停咁食)！

4)  ↑ 再去睇紅樹林，對面就係中國大陸了！！

5) 整茶果，不過我無整 (邊有手去整！？)


6) ↑ 食盆菜，由於2歲以不包坐位，所以我要抱住南瓜妹食飯，好彩之前南瓜妹已食左好多餅，而我抱住南瓜妹又點食到野呢！？

原本領隊要帶我地去睇羊、牛，但我同南瓜妹既同學家長都無去，因為行去路程好遠，可能得個 "抱"字，而且有3個小朋友已經瞓左，不如留係草地玩吹泡泡好過啦！！


7) ↑ 吹泡泡

咁就差不多完了，好彩回程只係用左1小時多，而南瓜妹上車無耐就瞓左！！

回到學校已經5點， hd 黎接我地，同南瓜妹回家換完衫後，就要出發去食"做冬"飯！！


後感：

呢個農莊不是不好玩，佢地有大型吹氣彈床，只係唔啱南瓜妹年紀，再加上呢個地點對我來說真係好遠好遠好遠！！