南瓜仔
18/12/2015 (38M29D)
是日返半天,返埋呢一日就放連續16日假!!
學校安排每位小朋友帶食物回校慶祝 .......
根據上年既經驗,小朋友只會玩,對食物無乜興趣,所以唔駛帶咁多野食,我更不會整食物 (我唔識,更唔想整)!!
原本南瓜仔話要帶聖誕蛋糕,仲去餅店睇定蛋糕....... (吓!唔好玩啦,又要老師或姐姐幫手切,仲可能班小朋友唔食!), 所以我就"說服"南瓜仔去超巿買小食!!
係前幾天,我帶南瓜仔去超巿買小食,南瓜仔就話要買2包棉花糖 (買糖不是太好)........
到聖誕聯歡會這天,我放了2包棉花糖係南瓜仔書包,南瓜仔就係書包拎番1包出來,話:「帶1包就得,呢1包留係屋企........」(呢個南瓜仔唔肯分享!?但事後有家長分享,講班主任叫小朋友唔好帶咁多食物回校,唔通南瓜仔係聽班主任講!?)
另外, hd 仲安排左每個同學(16個)+老師 (3個)都有聖誕咭 ......
信封面:寫上對方英文名 (半捉南瓜仔手寫)
咭內:貼上貼紙 + 蓋南瓜仔英文名印 (旁邊協助)
最難係要南瓜仔認得聖誕咭上既英文名 ........
我已經係臨上送南瓜仔上校巴前,叮囑南瓜仔要送聖誕咭 (我估老師會幫手掛!?但點都要南瓜仔識拎出來先得!),我亦係 whatapps group 講左俾d 家長知 .......
結果點!?
我問南瓜仔有無送聖誕咭俾同學仔!?老師有無幫手!?南瓜仔:「全部都係我自已送,老師無幫手!」
好彩有幾個家長都話收到聖誕咭,同學仔仲識同俾家長講係南瓜仔送,但其他小朋友有無收到!?有無送錯!?我就唔肯定,可能無收或收錯,只係無出聲掛!?
結果.......謎!!
而南瓜仔係學校點慶祝我就唔知(我亦沒有問),但就帶了一大堆零食+玩具返屋企!!
南瓜妹
21/12/2015 (21M)
學校是收費,但就唔駛家長帶小食回校 (咁哂我呢d懶家長),而我最愛就係南瓜妹聖誕假只係放"紅日",其他日子照常上課,真係一個好好既安排,啱哂我地呢d在職父母!!
都係唔知南瓜妹點慶祝,我只係問佢好唔好玩,南瓜妹:「好玩!」
我:「d 禮物邊個送俾你!?」
南瓜妹:「唔知!」
我:「係唔係 Ms Li!?」
南瓜妹(扮諗一陣):「係呀!」(我估南瓜妹係亂答!)
又係帶了零食+玩具返屋企!
![](https://blogger.googleusercontent.com/img/b/R29vZ2xl/AVvXsEg7plqBfEq-FKMsTPpiYRQayUud_yEKPbcPlZeVpkuyRGDdRLexcqY0Zd_sCjtg4CufzZcPpdezTXVurL6IY82IjmBqd5eE4BIt8ZFFfb2E8RYyk3NIMMBG4X2NLMkcMvqzvaDhtNLNFnA/s320/HBGC_20151223094948_wm.jpg)
↑ 仲有禮物抽中左添,不過見到呢一大堆零食 ,我就好頭痛,點解有咁多架!?
「聖誕假只係放"紅日",其他日子照常上課」<---呢個安排好好呀,我好想巨龍幼稚園都係咁,可惜不是啊....嗚....
回覆刪除