親子好去處@友邦歐陸嘉年華2015

26/12/2015 (39M7D) + (21M5D)

是日早上，南瓜仔要學游水 ......

↑ 係唔係女仔就貪靚！？落樓下都要帶帽！？仲自己同自己講：「好靚！」

我就帶南瓜妹去"菜田" (我同南瓜妹只係去過3次咁大把)，平時主要係 hd 同南瓜仔去 .......

淋完菜就去睇哥哥學游水，再去會所玩！！

之後就接埋南瓜仔放學，回家玩玩具、食飯、午睡！！

待佢地瞓醒，就出發去友邦歐陸嘉年華 ........


目的地：友邦歐陸嘉年華2015

上年都黎過，當時南瓜仔都未夠高，今年南瓜仔但都係未到 90cm ><

不過今年唔同，上年係連大人陪都唔俾玩 (要90cm+4歲)，今年只係高度限制 + 可以俾大人陪！！

雖然人流好多，但勝左唔駛點排隊就可以玩 (當然啦，個個遊戲都係要俾錢！><)

入場費：大人 $125 (包10個代幣) ，小童 $90 (包7個代幣)


↑ 小型過山車(4個代幣)，最初仲以為南瓜仔會驚，但佢不知玩得幾開心！(返到屋企後仲話要玩多幾次！)


↑ 跳彈床 + 波波池 + 滑梯 (3個代幣)


↑ 火車 (4個代幣)，指明要 thomas .......


↑ 巴士 (4+4 個代幣)，呢個就由我陪南瓜仔玩，南瓜仔又係玩得好開心 ....


↑ CARS 火車，由 hd 陪南瓜仔玩 (4+2個代幣)，呢個係南瓜仔既至愛！！


↑ 大型吹氣滑梯，由我陪南瓜仔玩 (3+2個代幣)，我地玩左3次，第1次南瓜仔好大膽，自己一個就滑左落去，第2-3次就由我陪，呢個滑梯又真的滑得好快！！

南瓜妹就無玩，若出年南瓜妹 + 南瓜仔一齊玩，咁真係燒錢了！！

玩完就去食飯，但無位囉 .......

返到屋企沖埋涼已經11點了！！

2014/2015：親子好去處@友邦歐陸嘉年華