親子好去處@2015 聖誕節 (屋企聖誕PARTY)

25/12/2015 (39M6D) + (21M4D)

我問過南瓜仔有關聖誕老人 .........

南瓜仔：「聖誕老人係假，唔係真架！」

這一刻，我就諗點解南瓜仔咁無童真！？？？

但後來，我又發現 ....... 其實南瓜仔指係"假"，係唔係指書上 / 假公仔呢！？所以話係假！？

hd 好有心去左淘寶，淘了兩套聖誕老人衫，希望南瓜仔相信世上有聖誕老人 .......

我仲同南瓜仔講：「如果你乖，聖誕節果日就會有聖誕老人送禮物俾你！」


目的地：婆婆家(聖誕PARTY)

約埋表哥、表妹(姐)、表妹、表弟一齊開 PARTY ........

待南瓜兄妹瞓完午睡就出發啦！

d 小朋友一齊玩就最開心，而我就可以休息一下！哈！


↑ 聖誕大餐，都係好簡單叫左 pizza hut、壽司，仲有婆婆整左粟米同燒賣！！


↑ 聖誕老人，仲要有2個，黎到，當然要送禮物啦！！

表哥、南瓜仔、表妹見到聖誕老人好開心 .......

不過南瓜妹同表弟就怕，而南瓜妹仲喊到唔收聲添，抱住我唔肯放手！！

期間，南瓜仔：「爸爸呢！？爸爸去左邊！？」

我：「爸爸去左洗手間呀！」


↑ 送完禮物就拆埋禮物 (其實應該係boxing day 先拆)，哈！哈！


後記：

南瓜仔好肯定其中一個聖誕老人係公公扮，而另一個南瓜仔係估到 hd 扮，但 hd 好強調這個是真的聖誕老人，最後南瓜仔信唔信！？只有佢自己先知道 .........