南瓜仔會放34天(即五星期)假期，原本我唔想南瓜仔「無無聊聊」留係屋企，我就周圍去睇下畫畫班、英文班、數學班 .......
正當我搵緊時，睇了唔同報章 (一名k3家長報了11個興趣班><) / 文章 / 英華校長簡介會 (推介)，亦係fd 睇了幾個朋友既分享，令我有所反思，對於一個未足3歲既小朋友，暑假應該多去玩樂 .......
所以我只係幫南瓜仔報左游水班 (題外話，南瓜仔第二堂由hd帶，今次比上一次好！)
南瓜妹8月頭開學，南瓜仔8月中開學，我應該要好好利用既暑假，同佢地親子樂！
所以我會同hd會輪住(亦會夾埋一齊)放假陪住南瓜仔/妹(我同hd既工作較適合7-8月放假)，若放唔到假先叫公公幫手睇住！
原本有諗過外遊，最後都決定放棄，希望明年既復活節或暑假帶佢地去啦 .......
雖然外遊唔到，但香港有好多地方都未帶過南瓜仔/妹去！！
1. 迪欣湖
2. 山頂
3. 馬灣 - 約表哥/表妹一齊去
4. 愉景灣
5. 石澳
6. 大嶼山 (昂坪360)
7 長洲
8. 迪士尼
9. 天際SKY 100 觀景台
10. 荔園 Super Summer (26/6 - 3/9/2015) - 約表哥/表妹一齊去
11. 九龍灣國際展貿中心 (Hello Kitty展覽 - 6/8 - 23/8/2015)
南瓜仔未到3歲(仲係免費)，我係唔係應該帶多d去要俾入場費既地方！？
你地仲有乜好建議！？
已經好多好節目呀，我都認同應該玩下先，可惜無假攞唔到咁多湊佢地呀！ 希望佢地兩個都有個開心既暑假啦！
回覆刪除已經好多好節目呀，我都認同應該玩下先，可惜無假攞唔到咁多湊佢地呀！ 希望佢地兩個都有個開心既暑假啦！
回覆刪除對啊，見到都好開心，我都好想有暑假放啊~~~~~
回覆刪除小朋友真係應該玩多啲，只要唔係谷佢地學術同係佢地喜歡的都冇乜問題
回覆刪除小朋友真係玩多d 呀~~ 上了小學後, 好多時都係學野補習同讀書!!
回覆刪除雖然放暑假唔係話完全好關我事，但一聽到放暑假小高都自自然然興奮起來，至少無咁忙，已經好好，又可放早啲，好開心呢 ~
回覆刪除我諗諗下都未必外遊了，因為暑假難即興啲......或者留返o係香港都一樣可吃喝玩樂！^^ 預祝你們一家有個難忘的暑假！:)
我都認同呢個年紀應該玩多D，要學嘢遲吓真係唔愁無機會，只怕到時親子時間太少，宜家要好好珍惜
回覆刪除我都同意咁細個應該要玩多啲，由2、3歲人仔開始chur真係太慘啦，所以好支持你嘅決定！
回覆刪除不過你真係好鬼勁，又plan好晒節目，咁你老公平日可以帶南瓜仔去玩囉？